Sanksiyalardan sonra ötən il İspaniyanın Inditex-in keçmiş törəmə şirkəti tərəfindən Zara və Bershka-nın yerinə Rusiyada açılan Maag, Ecru və Dub mağazaları satışları canlandırmağa başlasa da, xərclərin artması səbəbindən ili böyük itki ilə bağladı.
Ednews turkrus.com-a istinadən xəbər verir ki, 2023-cü il Rusiyada yeni geyim brendləri bazarında “ilk addım” ili olub.
Zara-nın yerinə yerləşdirilən Rusiyada ilk Maag mağazası 2023-cü ilin aprelində açıldı. Dub, Ecru və Vilet mağazaları izlədi. İspaniyanın Inditex şirkəti Zara, Bershka, Pull & Bear və Stradivarius brendləri ilə Rusiya bazarının ən böyük oyunçularından biri idi.
Rusiya hissəsini Inditex-dən satın alan Daher Group, yeni markaları və New Fashion adlı yeni şirkətləri ilə ilk ili ümumi 5,4 milyard rubl zərərlə bağladı. Daher Qrupunun sahibləri Livan vətəndaşları Hassan Daher və Mohamad Ali Daherdir.
New Fashion şirkətinin 2023-cü ildə xalis zərəri 5,4 milyard rubl təşkil edib. Sanksiyalara qədər yalnız Zara mağazalarını idarə edən şirkətin xalis mənfəəti 2021-ci ildə 6,4 milyard rubl olub.
2023-cü ilin sonuna qədər New Fashion-ın Rusiyada 243 mağazası var idi.
Xəyal Ramiz
