Şahzadə Harri İngiltərədə polis mühafizəsinin götürülməsindən sonra hökumətin qərarına qarşı iddia qaldırıb. Davanı uduzmuş Şahzadəni 1 milyon funt-sterlinq hesab gözləyir.
Ednews ntv.com.tr-ə istinadən xəbər verir ki, 2020-ci ildə İngiltərədəki krallıq vəzifələrini tərk edərək ABŞ-a köçən Şahzadə Harri və Meqan Markl kral ailəsindən ayrılsalar da gündəmdə qalmağı bacarırlar.
Kral vəzifəsini tərk etdikdən sonra, London Ali Məhkəməsinin qərarı ilə Şahzadə Harrinin polis mühafizəsi ləğv edildi.
Şahzadə Harri qərardan sonra hökumətə qarşı iddiasını uduzdu.
Şahzadənin məhkəmə xərcləri də daxil olmaqla təxminən 1 milyon funt sterlinq ödəməsi gözlənilir .
Məhkəmə Şahzadə Harrinin ödəməli olduğu məbləği iki dəfə azaltmaq təklifini rədd etdi, lakin Şahzadə işi davam etdirmək istəsə, birbaşa apellyasiya məhkəməsinə müraciət edə bilər.
2021-ci ilin fevral ayında verdiyi müsahibədə Harri, "toksik" olaraq xarakterizə etdiyi İngilis mətbuatının onun psixi sağlamlığını məhv etdiyini və anası Diana kimi həyat yoldaşına göstərilən sıx diqqət səbəbiylə "tarixin təkrarlanmasından" qorxduğunu söylədi.
Xəyal Ramiz
