Kolumbiya hökuməti ilə FARC (Kolumbiya İnqilabçı Silahlı Qüvvələri ) arasında 50 ildən artıqdır ki, davam davam edən müharibəni sonlandıran sülh müqaviləsi imzalanıb.
"Eurasia Diary" xəbər verir ki, müqavilə 2012-ci ilin noyabrından indiyədək sülh danışıqlarının davam etdiyi Kubanın paytaxtı Havanada imzalanıb.
Müqavilə Kolumbiya hökumətindən Humberto de la Calle və FARC-dan olan nümayəndə Ivan Marquez arasında imzalanıb.
Onlar "Tam və qeyd-şərtsiz sülhə razılaşdıq" deyərək birgə bəyanat yayıblar.
Kolumbiya Prezidenti Xuan Manuel Santos, sülh sazişinin Oktyabrın 2-də referenduma təqdim olunacağını açıqlayıb. Santos xalqa müraciət edərək "Bu, tariximizdəki ən mühüm səsvermə olacaq" deyib.
Ölkənin keçmiş prezidenti Alvaro Uribe isə müqavilənin ləğv edilməsi üçün kampaniya aparır.
Xatırladaq ki, FARC ötən il birtərəfli atəşkəs elan edib və bundan sonra ölkədə baş verən toqquşmalarda ciddi şəkildə azalma olub.
Atəşkəsdən sonra ordu düşərgələrini hədəfə alan hava hücumlarına son verilib və təhlükəsizlik qüvvələrinin hücumları nda səngimə müşahidə edilib.
Latın Amerikaın ən uzun müddətli toqquşması
Marksist-Leninçi partizan təşkilatı FARC, Kolumbiya hökuməti ilə müharibəyə 1964-cü ildə başlayıb.
Latın Amerikasının davam edən ən uzun müddətli silahlı münaqişəsində 220 mindən çox insan həyatını itirib. Digər partizan qrupları və sağçı paramilislerin də daxil olduğu döyüşdə isə təxminən 5 milyon insan evlərini tərk etmək məcburiyyətində qalıb.
FARC partizanlarının sayı isə təxminən 7 mindir.
Colombia's government representative Humberto de la Calle: The war is over. pic.twitter.com/W9k7Vx25vF
— teleSUR English (@telesurenglish) 25 августа 2016 г.