Məşhur türkiyəli tarixçi İlbər Ortaylı Türkiyə-Avstriya matçında Türk milli komandasının oyunçusu Melih Demiralın oyun zamanı bozqurd işarəsi göstərməsinə görə iki oyunluq cəza almasına münasibətini bildirib.

Ednews xəbər verir ki, tarixçi bu simvolun Türk millətinə aid olduğunu qeyd edib. Türk mifologiyasında Bozqurd haqqında əfsanələrin və hekayələrin olduğunu deyən İlbər Ortaylı, bunun həm də millət üçün çox mənalı bir simvol olduğunu vurğulayıb:

“Bozqurd simvolu heç bir partiya və ya qrupa aid deyil, bu Türk millətinin rəmzidir. Biz küçədən deyil, böyük səhralardan gələn millətik. Ona görə də, Bozqurd rəmzi bizim millətimiz üçün önəmli və mənalıdır.”

Tarixçi İlbər Ortaylı bildirib ki, bir çox millətlərin somvolu olduğu kimi, türklərin də simvolu bozqurd hesab edilir:

“Bozqurdu Milliyyətçi faşistlərin xaçı ilə müqayisə etmək sərsəmlikdir. Bozqurd kiminsə qafasından çıxmış, sonradan yaradılmış süni rəmz deyil. Yaşamaq üçün azadlıq savaşı verən millət üçün Bozqurdun xüsusi mənası var. Milli Mücadilə hərakatında da Bozqurd simvol kimi mövcud idi. Bozqurd sonradan yaradılmayıb, o bir millətin əzmini və qərarlığını ifadə edən, uzaq tarixi olan mənalı simvoldur. 

Atatürk də Bozqurd simvolunu mənimsəmişdi və xaricilər bəzən Atatürkü Bozqurd adlandırırdılar. Hətta o dövrlərdə pulların üzərində də istifadə olunurdu. İkinci Dünya müharibəsindən sonra yaranan bəlli siyasi gündəm səbəbindən simvollar aradan qalxdı.”

Fərid