İraqın baş naziri Məhəmməd Əl Sudani Türkiyədən 300 meqavatlıq elektrik enerjisi idxalını nəzərdə tutan layihənin fəaliyyətə başladığını açıqlayıb.
Ednews gazeteoksijen.com-a istinadən xəbər verir ki, Türkiyə ilə İraq arasında 20 il müddətinə planlaşdırılan elektrik ötürücü xətti fəaliyyətə başlayıb.
Bunun İraqa elektrik kəsilməsinin öhdəsindən gəlməyə kömək edəcəyi gözlənilir. İraqın Baş naziri Məhəmməd Əl Sudaninin ofisindən bu gün verilən açıqlamada, 115 kilometrlik xəttin Mosulun qərbindəki elektrik stansiyasına qoşulduğu və Ninova , Səlahəddin əyalətlərini 300 meqavat elektrik enerjisi ilə təmin edəcəyi bildirilib.
Açıqlamada, 2004-cü ildən təxirə salınan layihənin İraqın qonşu şəbəkələrə qoşulma və regional enerji sisteminə inteqrasiya strategiyasının bir hissəsi olduğu bildirilib.
Sudani ofisindən edilən şərhdə, İraqın da "Bu ilin sonuna qədər Körfəz Əməkdaşlıq Şurası elektrik şəbəkəsi ilə əlaqəni tamamlamağı" hədəflədiyi ifadə edilib.
Xəyal
