Noyabrın 5-də ABŞ-da keçiriləcək Prezident seçkilərində “Respublikaçılar”-ın namizədi Donald Tramp rəqibi Kamala Harrislə müsahibəyə görə “CBS News” telekanalını məhkəməyə verib. Bu barədə iddia bəyanatına istinadən “Fox News” telekanalı məlumat yayıb.
EDnews xəbər verir ki, Trampın iddiasına görə telekanal Harrisin hazır cavablardan istifadə etdiyi redaktə edilmiş versiyanı göstərərək izləyiciləri çaşdırıb.
“CBS-in ucbatından izləyicilər Harrisi pərdə arxasındakı redaktorun kuklasından ayırd edə bilməyib”, - Tramp açıqlamasında bildirib.
Tramp təzminat olaraq kanal rəhbərliyindən 10 milyard Dollar tələb edib.
