“EDnews” xəbər verir ki ,   siyahıda yeddi ölkə - Banqladeş, Misir, Hindistan, Kolumbiya, Kosovo, Mərakeş və Tunis təhlükəsiz mənşə ölkələri kateqoriyasına daxil edilib. Bu ölkələrdən gələn sığınacaq müraciətlərinə gələcəkdə sürətləndirilmiş prosedur qaydasında – maksimum üç ay ərzində baxılması planlaşdırılır. Lakin hər bir müraciət fərdi qaydada qiymətləndirilməlidir və bu, əsas hüquqi prinsiplərdən biridir.

Təklif olunan siyahı Avropa İttifaqına (Aİ) üzv ölkələrin hamısında keçərli olacaq, lakin milli siyahıları əvəz etməyəcək. Eyni zamanda, Aİ üzvlüyünə namizəd ölkələrin də təhlükəsiz ölkə statusu alması nəzərdə tutulur. İstisnalar isə zorakılıqla müşayiət olunan regionlara, sanksiyalara məruz qalan ölkələrə və yüksək qəbul faizi olan dövlətlərə şamil ediləcək.

Avropa Ədalət Məhkəməsində isə təhlükəsiz ölkə meyarları ilə bağlı işə baxılır və qərarın yaxın aylarda açıqlanacağı gözlənilir. Yeni mexanizmin məqsədi miqrasiya və sığınacaq sistemində ümumavropa standartlarının tətbiqini sürətləndirməkdir.

Qeyd edək ki, son dövrlərdə qanunsuz miqrasiya ilə bağlı Avropada bir çox ölkədə daha sərt xarakter alan siyasi müzakirələr ictimaiyyət arasında narazılığın artmasına və sağ populist partiyaların nüfuz qazanmasına səbəb olub. İfrat sağçı partiyaların Avropa İttifaqı əleyhinə sərt açıqlamaları Aİ-nin qanunsuz miqrasiya ilə bağlı siyasəti sərtləşdirməsinə öz təsirini göstərir.

Fatimə Mərdanlı // EDnews