ABŞ administrasiyası İrana qarşı yeni sanksiyaların tətbiqinə müvəqqəti fasilə verib.

EDnews xəbər verir ki, Ağ Evin mətbuat katibi Karolin Levitt ötən həftə Dövlət Departamentinə, Maliyyə Nazirliyinə və Milli Təhlükəsizlik Şurasına "İrana qarşı yeni sanksiyaların tətbiqi ilə bağlı bütün fəaliyyətlərin dayandırılması" barədə göstəriş göndərib.

Bu qərar ABŞ-ın keçmiş prezidenti Donald Trampın rəhbərliyi altında tətbiq edilən və "maksimum təzyiq" adlanan siyasətin faktiki olaraq dayandırılması kimi qiymətləndirilir.

Levittin müavini Anna Kelli məsələyə münasibət bildirərkən bu məlumatı nə təsdiqləyib, nə də tamamilə təkzib edib. O qeyd edib ki, “sanksiyalarla bağlı istənilən yeni qərarı ya Ağ Ev, ya da aidiyyəti qurumlar açıqlayacaq”.

Məlumata görə, Vaşinqton sonuncu dəfə 21 may tarixində Tehrana qarşı yeni məhdudiyyətlər tətbiq edib. Həmin tarixdən bəri ABŞ Maliyyə Nazirliyi sanksiyalarla bağlı yeni qərarların açıqlanmasını azı iki dəfə təxirə salıb.

Bununla belə, İranın dondurulmuş aktivlərinin və neft satışının əsas məhdudiyyətlərinin hələ də qüvvədə qalacağı gözlənilir.

Fatimə Şükürova // EDnews