ABŞ Prezidenti Donald Trampın başladığı ticarət müharibələri böyük institusional investorların ölkə bazarından qaçması ilə nəticələnib.
“EDnews” xəbər verir ki, bu barədə "Financial Times" (FT) məlumat verib.
Qeyd olunur ki, ABŞ-nin artan borcu ölkənin aktivlərinin dominant mövqedə olmağa davam edəcəyi ilə bağlı narahatlıqları artırır. Bundan əlavə, Trampın siyasəti səbəbindən son aylarda qlobal bazarlarda yaşanan qarışıqlıq dolların kəskin ucuzlaşmasına səbəb olub, Uoll-strit səhmləri isə avropalı rəqiblərindən ciddi şəkildə geri qalır.
"AllianceBernstein"ın baş direktoru Set Bernstayn bildirib ki, artıq ABŞ-dən asılılığı yenidən nəzərdən keçirməyin vaxtıdır. Öz növbəsində, Kanadanın ikinci ən böyük pensiya fondu "Caisse de dépôt et placement du Québec" portfelinin 40%-ni təşkil edən ABŞ-nin qiymətli kağızlarından asılılığını azaltmağa hazırlaşır. Bunun əvəzinə təşkilat bazarları getdikcə daha cəlbedici görünən Böyük Britaniya, Fransa və Almaniyaya investisiyaları artırmaq istəyir. Almaniya hökumətinin müdafiə və infrastruktura, eləcə də yerli hökumətlərin sabitliyinə trilyon avro xərcləmək planları da bazara öz təsirini göstərir. Bununla belə, bəzi investorlar Avropa İttifaqı və Asiyanın kiçik və parçalanmış bazarlarını ağlabatan alternativ hesab etmirlər.
