ABŞ-nin NATO üzrə müttəfiqləri Rusiyanı çəkindirmək də daxil olmaqla, öz müdafiə imkanlarını təmin etməlidir.
“EDnews” xəbər verir ki, bu barədə Pentaqon rəhbəri Pit Heqset ABŞ Konqresinin Nümayəndələr Palatasının Təxsisatlar Komitəsində keçirilən dinləmələrdə deyib.
Onun sözlərinə görə, buna paralel olaraq ABŞ Hind-Sakit okean regionunda, yəni Avropadan kənarda da mövcudluğunu artırmaqda maraqlıdır.
“NATO üzrə müttəfiqlərimiz Rusiyanı çəkindirmək üçün iqtisadi gücə malikdir. Diqqətimizi Sakit Okeana yönəltdikcə, müttəfiqlərimizin Avropada güclü çəkindirici qalxan yaratmaq üçün müdafiəyə daha çox resurs sərf edəcəklərini gözləyirik”, - Heqset bildirib.
Xatırladaq ki, iyunun 5-də Brüsseldə NATO-ya üzv ölkələrin müdafiə nazirlərinin görüşündən sonra Pit Heqset onları “Amerika hamını eyni anda müdafiə edə bilməz və buna məcbur deyil” fikrinə öyrəşməyə çağırıb. Eyni zamanda o qeyd edib ki, NATO üzvlərinin böyük əksəriyyəti Vaşinqtonun milli müdafiə xərclərini ÜDM-in 5 %-ə çatdırmaq tələbini yerinə yetirməyə razılaşıb.
