İyulun 9-da Tayvanın illik "Hanquan" hərbi təlimləri başlayıb.
“EDnews” xəbər verir ki, bu barədə "Focus Taiwan" məlumat yayıb.
Ənənəvi olaraq, 1984-cü ildən adada keçirilən manevrlər beş gün dörd gecə davam edir. Onlar Çin hücum edəcəyi təqdirdə Tayvanın döyüşə hazırlığını yoxlamaq üçün nəzərdə tutulub.
Qeyd olunur ki, bu dəfə təlimlərə rekord sayda - 20 min ehtiyat əsgər cəlb olunacaq.
Hərbçilər manevrlərdə ABŞ-dən alınmış daha çox texnikadan, o cümlədən HIMARS reaktiv yaylım atəş sistemlərindən istifadə edəcəklər.
