Fransanın Manş dənizi sahilində yerləşən Kale (Calais) liman şəhərində qaçqınlar əleyhinə etiraz aksiyası keçirilib.
"Eurasia Diary" xəbər verir ki, səhər saatlarında Kale magistralına gedən yolu traktor, yük maşını bağlayıb. Etirazçılar Kale şəhərinə 5 kilometr məsafədə yerləşən "Jungle" qaçqın düşərgəsinin bağlanmasına etiraz edərək nəqliyyatı iflic ediblər.
Nümayişçilər üzərində "Jaime Calais" (Kaleni sevirəm) yazılan qolsuz köynək geyiniblər. Onların irəli sürdüyü iddialara görə, qaçqın şəhərciyi şəhərin turizminə və iqtisadiyyatına mənfi təsir edir. Yük maşını və traktorların yolu bağlama aksiyasından sonra dükan sahibləri də insan zənciri yaradaraq etiraza dəstək verib.
Jungle tamamilə qapadılacaq
27 yaşlı əfqanıstanlı Abdel qeyd edib ki, fransız polisi 2 gündür düşərgədəki hər kəsə oradan kənara çıxmamağı tapşırıb.
10 min qaçqının məskunlaşdığı düşərgənin yaxın vaxtlarda bağlanacağı açıqlanıb.
Prezident seçkiləri yaxınlaşdıqca hökumət tez-tez tənqid edildiyi "Jungle" ni bağlamaq istəyir. Lakin oradakı 10 min qaçqının necə yerləşdirilməsi bilinmir.
Əhalisinin böyük bir qismini Əfqanıstan, Sudan, Eritreya və Efiopiyadan gələn qaçqınlar təşkil edən düşərgə keçid nöqtəsi xüsusiyyətini daşıyır. Kale limanına təxminən 4 kilometr məsafədə yerləşən şəhərciyin sakinləri hava qaralan kimi avtomagistrala çıxaraq İngiltərə istiqamətinə gedən yük maşınılarına dırmaşmağa çalışırlar.
Bəzi qaçqınlar nəqliyyat vasitələrin altında əzilərək can verirlər.
Kale camaatı şəhərə gələn qaçqınların pul və əşyalarını oğurladığı təhlükəsizlik xidmətlərinə məlumdur. Qaçqın düşərgəsində insan alveri, uşaq təcavüzkarları, narkotik alverçiləri maneəsiz şəkildə fəaliyyət göstərirlər.
Dünya ictimaiyyəti Fransanı bütün bunlara göz yummaq və olanlar qarşısında hərəkət etməməkdə günahlandırır.
