"The Guardian" yazır ki, Ağ Evə köçmək hazırlığında olan Melania Trump-ın dogma vətəni Slovenia Donald Tramp prezident səlahiyyətlərinin icrasına başlayan kimi Moskva və Vaşinqton arasında vasitəçilik etməyə hazır olduğunu bəyan edib.
Sloveniyanın baş naziri Miro Cerar Associated Press agentliyinə müsahibəsində deyib ki, Melania Trampın doğulduğu ölkə, bir-biri ilə bir çox məsələlərdə ixtilafda olan "iki supergüc arasında körpü ola bilər".
Avropa İttifaqının üzvü olan və buna görə də Ukraynaya görə Kremlə qarşı Avropa sanksiyaları qarşısında öhdəlik daşıyan Sloveniya özünün slavyan müttəfiqi ilə də isti manasibətlərini qoruyub saxlayır. Vladimir Putin Sloveniyaya iki dəfə səfər edib.
ABŞ-da seçki kampaniyası zamanı Tramp və Putin bir-biri barədə tərifli sözlər deyiblər.
Melania Tramp birinci ledi kimi qadınların və uşaqların problemlərinin həllinə çalışacağını deyib.
Cerar deyib ki, əgər Birləşmiş Ştatlar və Rusiya "bu sayaq təşəbbüsdə" bulunsalar Sloveniya heç şübhəsiz iki supergüc arasında körpü rolunu oynaya bilər. "Biz isbat etmişik ki, belə görüşləri təşkil etməyə qabilik" - deyib Sloveniyanın baş naziri.
2001-ci ilin iyununda keçmiş ABŞ prezidenti George W Bush və Putin arasında ilk üzbəüz görüş Sloveniyada keçirilmişdi. O vaxt ABŞ raketdən müdafiə sistemi ilə bağlı Moskvanı yola gətirməyə cəhd edirdi.
Qızlıq adı və soyadı "Melanija Knavs" olan 46 yaşlı Melania Tramp Sloveniyanı 20 yaşlarında tərk edərək beynəlxalq modellik karyerasına başlayıb.
O son dəfə Sloveniyada 2002-ci ildə Donald TrAmpı valideynləri ilə tanış edəndə olub.
Donald TrAmp Melania-nın valideynləri ilə göl sahilində yerləşən kurort şəhəri Bleddəki Grand Hotel Toplica mehmanxanasında nişandan iki il əvvəl tanış olmuşdu.
Cerar deyib ki, həmvətəni ona elə ötən həftə zəng edibmiş.