İran və İsrailin Azərbaycandakı səfirləri arasında sosial şəbəkə üzərindən mübahisə yaranıb.
Ednews xəbər verir ki, hadisə "X" platforması üzərindən İsrailin Bakıdakı səfiri Corc Dik ilə Seyid Abbas Musavi arasında baş verib.
Corc Dikin "İran terror dövlətidir və regionda münaqişənin əsas səbəbidir. İranın İsrailə hücumu misli görünməmişdir. "İran ilk dəfə İsrailə hücum etmək üçün etibarlı şəxslərdən istifadə etdikdən sonra gizlənməyi dayandırdı və bu barədə tezliklə çıxacaq BakuTV - ə son müsahibəmdə qeyd etmişəm", paylaşımına İran səfiri belə cavab verib:
Artıq "qurbanlıq etmək" dövrü bitdi. İran bölgədəki qanunsuz və ərköyün Qərb övladını cəzalandırdı. Bundan sonra ən kiçik pisliyiniz də sarsıdıcı cavab alacaq. Azərbaycanın müsəlman xalqı Fələstində baş verən hadisələrə görə mübarizə aparacaq və siz buna peşman olacaqsınız.
