Xəbər verdiyimiz kimi, Fransa Azərbaycandakı səfiri Ann Buayonu geri çağırıb. Məlumata görə, Fransa XİN diplomatı məsləhətləşmələr üçün geri çağırıb. Prezident Emmanuel Makron diplomatı şəxsən qəbul edib.
Ednews xəbər verir ki, məsələ ilə bağlı politoloq Elxan Şahinoğlu münasibət bildirib. Onun sözlərinə görə, Fransanın Azərbaycandakı səfiri Ann Buayonun məsləhətləşmələr üçün ölkəsinə geri çağrılmasını Parisin anti-Azərbaycan siyasətinin tərkib hissəsi kimi qiymətləndirmək olar:
"Səfirin Fransa prezidenti Emmanuel Makron tərəfindən qəbul edilməsi bunun əlamətidir. Başda Fransa prezidenti olmaqla bu ölkənin siyasi mərkəzlərinin anti-Azərbaycan siyasəti Fransanın Azərbaycandakı səfirliyinin fəaliyyətini də çətinləşdirmişdi. Başqa cür olması da çətindir. Fransa səfirinin nümayişkənarə şəkildə Parisə çağrılması rəsmi Bakını da adekvat addıma məcbur edə bilər, yəni Azərbaycanın da Fransadakı səfiri məsləhətləşmələr üçün geri çağrılacaq".
Oğuz