Avropa İttifaqı (Aİ) İsrailə hücumu səbəbindən İrana qarşı sanksiyalar tətbiq etmək qərarına gəlib.
Ednews sozcu.com-a istinadən xəbər verir ki, Aİ sammitinin xarici əlaqələr sessiyasında müzakirə edilən Yaxın Şərq mövzusu ilə bağlı yekun bəyannamə açıqlanıb.
Bəyanatda İranın İsrailə hücumunun liderlər tərəfindən yekdilliklə pislənildiyi və İrana qarşı sanksiyaların genişləndirilməsinə qərar verildiyi bildirilib.
Sammitin ilk gün iclasları bitdikdən sonra mətbuata açıqlama verən AB Şurasının sədri Çarlz Mişel sanksiyaların məzmunu ilə bağlı məlumat verməyib.
Bəyannamədə xatırladılıb ki, Qəzzadakı böhran dərhal atəşkəs, məhbusların azad edilməsi və humanitar yardımların maneəsiz çatdırılması ilə aradan qaldırılmalıdır. Bəyannamədə Aİ-nin iki dövlətli həllə sadiqliyi də vurğulanıb.
Xəyal Ramiz