Siyasət şöbəsi
Bu günlərdə ABŞ müdafiə naziri Ceyms Mettis gözlənilməz bəyanat verib Onun sözlərinə görə ABŞ-ın dünyanı enerji ehtiyatlarını nəzarət etmək hüququ var. Və dünya polisi kimi çıxış etməyə. Çin və Rusiya isə ABŞ-ın vassallığında olan dövlətlərə xidmət etməlidir. Mettis Rusiya və Çin texnloji nəaliyyətlərdən istifadə edərək və “beynəlxalq nizama təhdid edərək” hərbi sahədə ağalıq etmək uğrunda Amerika ilə rəqabətə girdikləri barədə xəbərdarlıq edib.
Mettisin çıxışını şərh etmək üçün Eurasia Diary tanınmış rus politoloqu Dmitriy Evstafyevadan müsahibə götürüb:
“Mən bu cür çıxışlara çox sakit yanaşardım. ABŞ-da hətta aparıcı siyasətçi və dövlət xadimləri də artıq çoxdan Rusiyaya münasibətdə birbaşa təşviqata keçiblər. Həm də burada prinsipcə yeni heç nə söylənməyib, həm də ki, ABŞ müdafiə nazirinin istifadə etdiyi danışıq dili KİV-də verildiyindən də bir az fərqlənir.
Hamı çox gözəl anlayır ki, ABŞ siyasətdə ancaq assimetriyanı başa düşür yəni özləri və onlar üçün yalnız onların iradəsinə tabe olanlar mövcuddur. Sadəcə trampın dövründə bunu açıq şəkildə deyildi. Təşviqat nadir hallarda reallıqla uzlaşır. Bu Amerikanın hərbi və xarici siyasətinin problemidir.
Ona görə ki, ABŞ daha çox ad hoc siyasəti yürüdürlər. Vaşinqton ictimai şəkildə səsləndirilən strateji xəttləri fomalaşdıra bilmir. O taktiki əhəmiyyətli bəyanatlar, twitter və s. bu kimi vasitələrlə əvəz edilir. Təbii olaraq, təbliğatın rolu bu halda artmış olur. Hazırda ABŞ-da təkcə Rusiya ilə bağlı deyil, bütün baş verən hadisələr – real nəaliyyətlərin çatışmazlığı fonunda tipik təbliğat tələsidir”.
