Rusiyanın XİN rəhbəri Sergey Lavrov ilin yekunlarına dair keçirdiyi mətbuat konfransında Dağlıq Qarabağ probleminin həllinin tərəflərdən asılı olduğunu bildirib.
Dağlıq Qarabağ münaqişəsinin ancaq Azərbaycan və Ermənistan hökumətləri tərəfindən həll edilə biləcəyini qeyd edən rusiyalı diplomat deyib: “Rəsmi Moskva bu il də Azərbaycan və Ermənistan tərəfindən Dağlıq Qarabağ münaqişəsinin nizamlanmasına dair hansısa müsbət impulslar olacağına ümid edir. Bununla belə nazir müharibənin baş verməsi ehtimalını da gözə alaraq fikrini bu şəkildə tamamlayıb : “Təmas xəttində sakitçiliyin təmin edilməsi üçün əlavə addımlar atılmalıdır: “Bu siyasi həll mərhələsinə keçməyə də kömək edər. Bu məsələni bir sənədlə birdəfəlik həll etmək mümkün deyil . Məsələyə mərhələli yanaşma lazımdır. Mərhələli yanaşma mümkün həll yollarını göstərəcək. Yəni, iş tərəflərin üzərindədir”.
Məsələylə bağlı açıqlama verən politoloq, Atlas Araşdırmalar Mərkəzinin direktoru Elxan Şahinoğlu bildirib ki, bu yolla Rusiya məsələnin həllini tapa bilməyəndə məsuliyyəti üzərindən atır.”Rusiya artıq illərlədir bu fikri təkrarlayır.Amma məntiq budur ki biz bunu özümümz həll edəcəyiksə Minsk qrupu nəyə lazım idi, ikinci Rusiya özü bu problemin həllində vasitəçi rolunu oynayır. Onda vasitəçi olmğın anlamı nə olur?Üçüncüsü zümüz həll etək istəyəndə bizə imkan vermirlər. 2016-cı ilin aprel döyüşlərinin 4 gündən a rtıq davam edilməsinə imkan verilmədi.Buna açıq aşkar imkan vermədi, o görürdü ki, biz daha çox ərazini işğaldan azad etməyə qadirik. Bu sadəcə bəhanədir, onlar münaqişəni həll etmək istəmirlər, münaqişənin həll olunması üşün Dağlıq Qarabağ ətrafındakı 6 rayonumuz öncə geri qaytarılmalıdır. Rusiya ermənistanı buna məcbur etmək istəmir. Ona görə sərf edəndə münaqişənin həllində açar rolunda olduqlarını deyirlər, sərf etməyəndə atırlar Azərbaycanla ermənistanın üzərinə”. Əslində Rusiya heç də açar rolundan imtina etmək fikrində deyil. Bu sadəcə bəhanədir.(Bizimyol.info)