Rusiya hələ uzun müddət zərbəni saxlamalı olacaq - politoloq | Eurasia Diary - ednews.net

25 İyul,


Rusiya hələ uzun müddət zərbəni saxlamalı olacaq - politoloq

Analitika A- A A+

ABŞ və Rusiya prezidentlərinin görüşündən hər hansı qırılma və ya yeni bir başlanğıc gözlənilmirdi.

Bunu Federasiya şurasının beynəlxalq əlaqələr komitəsinin ekspert şurasının üzvü Anatoli Nikiforov, Vladimir Putin və Co Baydenin Cenevrədəki görüşünü Eurasia Diary-yə şərh edərkən söyləyib.

Digər tərəfdən, görüşün özü faktiki olaraq iki böyük nüvə gücünün irəliyə doğru ciddi bir addımıdır, deyə ekspert sözlərinə davam edib:

“Görüşdə xoşuma gələn məqam və Putinin səsləndirdiyi fikri söyləmək istəyirəm. Rusiya vətəndaşı və xarici həmkarlarla işləyən şəxs olaraq, Xarici İşlər Nazirliyi və Dövlət Departamentinin həbs olunan Rusiya vətəndaşlarının ABŞ-a və Rusiyadakı ABŞ vətəndaşlarının geri qaytarılması məsələlərinin həlli variantlarının olduğunu eşitmək mənim üçün xoş oldu. Ümid edirəm vətəndaşlarımız tezliklə evlərinə dönəcəklər.

Bundan əlavə, diplomatik münasibətlər bərpa olunur, ölkələrimizin səfirləri vəzifələrinin başına qayıdacaqlar”.

Onun sözlərinə görə, Putinin reaksiyasını nəzərə alsaq, əsas mövzulardan biri Ukrayna olub:

“BBC müxbirinin Rusiyanın xarici siyasətdə gözlənilməzliyi barədə sualına Putin, ABŞ-ın hərəkətlərinin gözlənilməzliyinə dair olduqca inandırıcı şəkildə faktlar gətirdi və Amerikanın strateji silahlara nəzarətdə böyük əhəmiyyət daşıyan müqavilələrdən çəkildiyini və Ukraynada Yanukoviçin müxalifətin bütün tələblərini qəbul etdikdən sonra ABŞ-ın dəstəyilə çevrilişin baş verdiyini qeyd edib. Putin Ukraynanın NATO-ya üzvlüyünə dair "qırmızı xətti" də təsdiqlədi. Mövzu Rusiya üçün ağrılı olduğu üçün müzakirə mövzusu deyil".

Politoloqun fikrincə, ölkələrin əsas mövqeləri dəyişməz qalıb.

"Bundan əlavə, düşünürəm ki, Konqresmenlər, Putinin dediyi kimi, "bacarıqlı" uşaqlardır və Co Baydenin arxasında duran bütün lobbi qrupları, münasibətlərdə dəyişiklik etməyə imkan verməyəcəklər".

Sonda Nikiforov Rusiyanın həm ölkə daxilində, həm də xaricdə işinin çox olduğunu vurğulayıb.

“Putinin danışıqlardan sonrakı emosional vəziyyətinə baxsaq, o, çox qəzəbli və narazı idi, ancaq diplomatik dili qorudu. Qərbin xoşuna gəlməyə çalışmadı, ancaq mətbuatla düzgün rəftar etdi. Dodaqlarını dişləyərək hisslərini cilovlamağa çalışdı, xarici jurnalistlərin verdiyi bəzi suallara cavablarında çoxlu şifahi təzahürlər var idi. Yəni Putinin bütün emosiyaları Rusiyanın böyük güc olduğunu, müstəqil fikrə malik olduğunu və özünü müdafiə edə biləcəyini sübut etməyə və inandırmağa yönəlmişdi. Və əgər bu iki güc razılığa gəlməsə, dünya çökmək təhlükəsi ilə üzləşir. Və bugünkü vəziyyəti yalnız Rusiya ilə ABŞ arasındakı münasibətlərin dəqiq konstruktiv istiqamətdə inkişaf etdirilməsi qoruyub saxlaya bilər.

Rusiya hələ uzun müddət zərbəni saxlamalı olacaq. Ancaq bildiyiniz kimi, Rusiya dövlətçiliyi həmişə tarixin kritik dövrlərində möhkəmlənib. Onların təkrarlanması arzuolunmazdır, amma çətin bir dönəmə hazırlaşmaq lazımdır. Bunun üçün isə vətəndaş cəmiyyətini, Qərbin fikirlərinə və ya bəzi başqa xarici fikirlərə düzəlişlər edilmədən dövlət institutlarını gücləndirmək lazımdır. Və bu da çətindir: dəmir pərdə yoxdur və olma ehtimalı yoxdur, qarşıdurma isə böyüyür. Ancaq yolu onu qət edən gedir".

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...