Son 30 il ərazində İran Ermənistanın işğal etdiyi Azərbaycan torpaqlarından narkotik ticarət və daşınma üçün istifadə edib. Bu sözləri türk ekspert Həsən Oqtay Azərbaycan torpaqlarında İran və Ermənistanın qanunsuz narkotik ticarətini şərh edərkən bildirib.

Həsən Oqtay qeyd edib ki, İranın qanunsuz əlaqələri olan yeganə qonşusu Ermənistandır və onun vaxtilə işğal etdiyi Azərbaycana məxsus olan rayonlar İran üçün “nəfəslik” idi.

“Azərbaycanın işğal olunmuş torpaqlarını azad etməsi Ermənistan qədər İranı da narahat etdi və Tehran üçün gözlənilməz oldu. İran Əfqanıstandan Ermənistana narkotiki işğal altında olan Cəbrayıl və Füzulidən keçirirdi. Çünki iri partiyaları Ermənistanla sərhəddən keçirə bilməzdi, Norduz gömrük qapısında rus məmurları olduğu üçün İrana problem yarana bilərdi”.

Türk ekspert onu da qeyd edib ki, sanksiya məhdudiyyətləri içində ABŞ-la mübarizə aparan İranın “gizli qazancı”nın kəsilməsi Tehranın Bakıya qarşı sərt münasibətinin əsas səbəbidir.

Xatırladaq ki, oktyabrın 15-də Azərbaycan Prezidenti İlham Əliyev də Müstəqil Dövlətlər Birliyinin (MDB) Dövlət Başçıları Şurasının videokonfrans formatında keçirilən iclasında çıxış edərkən bu məsələyə toxunub. Dövlət başçısı vurğulayıb ki, Azərbaycan 30 il Ermənistanın nəzarəti altında olmuş İran ilə dövlət sərhədinin 130 kilometrlik hissəsində nəzarəti bərpa edəndən sonra Cəbrayıl rayonundan keçməklə İrandan Ermənistana və daha sonra Avropaya narkotrafik marşrutunu bağlayıb.

Məsələ ilə əlaqədar Ednews.net-ə açıqlama verən politoloq Qabil Hüseynli hesab edir ki, İran İslam İnqilabı Keşişçilərinin rəhbərliyi Azərbaycanın vaxtilə erməni işğalı altında olmuş əraziləri - əsasən Füzuli, Cəbrayıl və Zəngilandan istifadə etməklə narkotik ticarətindən milyardlar qazanıb.

“Ermənistan tərəfindən işğal olunmuş torpaqlarının bir hissəsi İranla sərhəd ərazilərə düşürdü. Son 30 il ərzində İran İslam İnqilabı Keşişçilərinə rəhbərlik edən şəxslər narkotik maddələrin daşınması və alış-verişi üçün bu ərazilərdən istifadə edirdilər. Əfqanistandan gətirilən iri həcmli narkotik maddələr işğal olunmuş torpaqlar vasitəsiylə Ermənistana aparılırdı və oradan isə Avropa ölkələrinə və MDB məkanına göndərilirdi. SEPAH-ın rəhbərliyi bu narkotik ticarətdən milyardlar əldə edirdilər”,  – deyə Qabil Hüseynli bildirib.

“SEPAH iri həcmli narkotik maddələri birbaşa öz ərazisindən Ermənistana da keçəri bilərdi. Lakin Ermənistanın sərhəd ərazilərini nəzarət edən Rusiya hərbiçilərinin ciddi müqaviməti ilə üzləşmək riski var idi. Ona görə də SEPAH bu adımı ata bilməzdi”,  – deyə o əlavə edib.

Qabil Hüseynli qeyd edib ki, işğal atında olmuş torpaqlar və Ermənistandan daşınan narkotik maddələrin böyük qismi Avropa yox, MDB məkanına göndərilirdi: “Narkotik maddələr Avropa ölkələrindən daha çox MDB məkanına, Rusiyaya daşırnırdı”.

Politoloq onu da vurğulayıb ki, İranın özündə də narkotik plantasiyalar və narkotik maddələri istehsal edən laboratoriyalar fəaliyyət göstərir.

“İran təkcə Əfqanistandan gətirdiyi narkotik maddələrdən yox, həmçinin öz ərazisində əkib-becərdiyi narkotiklərdən də ticarətdə istifadə edirdi. Bununla belə, İranda süni narkotik maddələri istehsal edən laboratoriyalar da mövcuddur. Bu narkotik maddələr də torpaqlarımızdan keçilirib Avropaya və MDB məkanına göndərilirdi”, – deyə Hüseynli bildirib.

“Azərbaycan ordusu Araz boyu öz torpaqlarını erməni işğalından azad etməklə İranın narkotik ticarətinə, ən əsası SEPAH-ın gəlir mənbəyinə ağar zərbə vurdu. Bu SEPAH rəhbərliyində ağır qəzəb yaratdı. Bu səbəbdən İran Azərbaycana qarşı müxtəlif bəhanələr adı altında provokasiyalara əl atır və bizə qarşı kinli münasibət bəsləyir”, - deyə o əlavə edib.

Sonda politoloq İran İslam İnqilab Keşişçiləri rəhbərliyinin Azərbaycana qarşı heç bir təxribat və təhlükəli addım ata bilməyəcəni qeyd edib.

“İranın Azərbaycanda agenturasının olmasına baxmayaraq SEPAH ölkəmizə qarşı heç bir təxribat xarakterli və təhlükəli addım ata bilməz. Ona görə ki, Azərbaycanın güclü təhlükəsizlik xidməti və tərəfdaşları var”.

Yunis Abdullayev

Məqalə Azərbaycan Respublikası Medianın İnkişafı Agentliyinin maliyyə dəstəyi ilə hazırlanmışdır

6.3.4. ictimai və dövlət maraqlarının müdafiəsi;