Yıldırım Beyazit Universitetinin elmi içilərindən olan Saleh Yılmaz Rusiya və Türkiyə arasında imzalanan Türk Axını Layihəsi sazişini “Eurasia Diary” üçün şərh edib.

Rusiya və Türkiyə arasında Türk Axını müqaviləsi imzalandı. Bundan sonra bəzi problemlər  həll olunacaq. Rusiya Türkiyəyə böyük diplomatik heyət ilə gəlib. Rusiyada istehsal edilməyən kənd təsərrüfatı məhsullarına tətbiq edilən embarqolar ləğv edilib. Rusiya və Türkiyənin verdiyi  qərarla Akkuyu Atom Elektrik Stansiyasında itirilən 1 illik gecikmə bərpa edilib. İşlər  bundan sonra sürətləndiriləcək. Rusiya Türkiyənin digər bölgələrdəki alternativlərini də nəzərə alaraq təbii qazda güzəştə gedərək Türk Axını müqaviləsini imzalayıb. Türk Axını  4 xətdən ibarət olacaq və cəmi 31,5 milyard kubmetr tutuma malik ilk 2 xətdən 1-ci xətt Türkiyəyə, 2-ci xətt isə Avropaya gedəcək. Türk Axınının 910 km hissəsi Qara Dənizin altından, 260 km-i isə  qurudan keçəcək. İldə 63 milyard kubmetrlik layihənin dəyəri 19 milyard dollardır.

Rusiya 2019-cu ildən sonra tikib qurtaracağı Ukrayna qaz yoluna alternativ Türkiyə xəttini zəmanətə alaraq ABŞ-ın enerji blokadasını yarır. Türk Axını sayəsində Türkiyə həm satışdan gəlir əldə edəcək, həm də ucuz qaz alacaq. 2023-cü ildə yekunlaşan Mavi Axının  baha qiymətə satışına son qoyulacaq.

Türk Axını Sövdələşməsi bundan sonra Rusiya-Türkiyə arasında böhranlar aradan qaldıracaq.Türk Axınının imzalanmasından sonra yaxında AMERİKANIN səsinin gur çıxacağını eşidəcəyik. Suriyada sürpriz hücumlar gözlənilir. Rusiya Türkiyə üzərindən Hələbə gedəcək humanitar yardım vasitələrini qoruyub saxlayacaq. Rusiya Kastillo yolunu təklif edir. Rusiya və Türkiyə başda hərbi sahələr olmaqla kəşfiyyat sahəsində də əməkdaşlıq edəcək. Türkiyə birgə silah sənaye istehsalında qərarlı mövqe tutur. Rusiyanın Hələbdə Əl-Nüsrəyə qarşı müqaviməti davam edir. Türkiyə bu məsələdə təşəbbüs göstərəcək. Rusiya, Türkiyənin Fərat Qalxanı Hərəkatına dəstəyini bird aha bildirdi. Hələbin təhlükəsiz zonaya gətirilməsində birgə çıxış edəcəklər.  ABŞ-ın Türkiyə və Rusiya arasında olan maneəsiz əməkdaşlığına stamaşa edən tərəf kimi qalacağını zənn etsək yanılırıq. FETÖ vasitəsilə bunun qısasını ala bilər.

Bundan başqa, Rusiya Türkiyə sayəsində İslam ölkələri üçün yenidən masaya oturacaq. Bununla da  Türkiyə də Qərbdən gələn sanksiyalara ortaq olacaq.