Oğul Baydenin xilası

Yazarlar 16:15 07.12.2024

Co Baydenin səlahiyyətlərini təhvil verməsi əsnasında oğlunu əfv etməsinin ciddi tənqid hədəfinə çevriləcəyi əvvəldən aydın idi. Belə çıxır ki, çox vaxt özünü belə unudan ata Bayden hakimiyyətdən getməmişdən əvvəl ərkəsöyün oğluna son hədiyyəsini etməyi unutmayıb.

ABŞ Dövlət Departamentinin mətbuat katibinin müavini Vedant Patel Gürcüstandakı siyasi vəziyyəti şərh edərkən hökuməti qanunun aliliyini qorumağa çağırıb. Vaşinqton rəsmisi Gürcüstanda nümayişçilərə qarşı “hədsiz güc tətbiqi”ndən narahatlığını dilə gətirib: “Biz Gürcüstan hökumətinə qəti şəkildə qanunun aliliyinə, insan haqqları və əsas azadlıqlarına riayət etməyi məsləhət görürük”. 

ABŞ-nin demokratlar administrasiyasının maraqlarına zidd davranan dövlətlərin hakimiyyətlərinə qarşı “qanunun aliliyi”, “insan haqları”, “əsas azadlıqlar”, “jurnalistlərin təqibi” adı altında basqı etməsinə bütün dünya öyrəncəlidir. Polis zorakılığı, kriminal, qanunverici orqana sirayət etmiş korrupsiyanın tüğyan etdiyi bir dövlətin rəhbərliyinin digərlərinə siyasi etika dərsi keçməsinə artıq önəm verən də yoxdur. 

"Papanın gül balası"

Ancaq Vaşinqton rəsmisinin Gürcüstan hökumətinə “dərs keçmək” istədiyi bir vaxtda ABŞ-nin birinci şəxsi, prezident Co Baydenin özünün qanunun aliliyini tapdaq altına salması istehza doğurur. Söhbət seçilmiş prezident Donald Tramp demişkən, “yuxulu Co”nun həmin qanunun aliliyini qulaqardına vuraraq cinayət törətmiş oğlunu əfv etməsindən gedir. Narkoman, əyyaş və tüfeyli həyat sürən Hanter Baydenlə bağlı cinayət işi 2018-ci ildən davam edir. Onun vergidən yayınma və qanunsuz silah saxlama maddələrinə əsasən cinayət törətdiyi bildirilir. 2023-cü ildə oğul Baydenə qarşı konkret ittiham irəli sürülüb və məhkəmə qərarı qüvvədədir. İndi isə hakimiyyətlə vidalaşmaqda olan ata Bayden Hanteri ədalətin məngənəsindən qurtarmaq üçün əfv etmək qərarına gəlib. ABŞ-nin demokratlar administrasiyasının başında duran şəxs olduqca “demokratik” addım ataraq cinayətkara qarşı qanunun “aliliyi”nin necə təmin olunduğunu əyani nümayiş etdirib. 

Baydenin qanuna həqarət olan bu qərarının ciddi tənqid hədəfinə çevriləcəyi əvvəldən aydın idi. Çox vaxt özünü belə unudan ata Bayden belə çıxır ki, hakimiyyətdən getməmişdən əvvəl ərkəsöyün oğluna son hədiyyəsini etməyi unutmayıb. Demokrat prezident addımına bununla haqq qazandırıb ki, “Hanter məhz onun oğlu olduğuna görə təqib edilir”: “Ümid edirəm ki, amerikalılar ata və prezidentin niyə bu qərarı qəbul etdiyini anlayacaqlar”. Şübhə yoxdur ki, anlayacaqlar, ancaq anlaşılmayan başqa məqamlar da var. Məsələn, eyni maddələrlə ABŞ-də cinayət törətmiş, yaxud qanunun tələblərindən gizlənmiş minlərlə amerikalı var və onların hamısı kimlərinsə övladlarıdır. Məntiqlə, onların da valideyinlərinin eyni əsasla övladlarının əfvini tələb etməyə haqları var. Bəyəm ABŞ hamının, o cümlədən prezidentlə sıravi amerikalıların bərabər hüquqlara malik olduğu ölkə deyil?

Trampın qisası

Baydenin cinayətkar oğlunu əfv etməsi gözlənildiyi kimi, respublikaçılar cəbhəsində hiddətlə qarşılanıb. Prezidentin ittiham olunan oğludur deyə qanunu pozması bir yana, seçilmiş dövlət başçısı Trampa qarşı irəli sürülmüş məhkəmə işlərinin hələ unudulmadığı bir vaxtda bunu etməsi xüsusilə maraqlıdır. Aydındır ki, Tramp hadisəyə reaksiya verməyə bilməzdi. Ən azı ona görə ki, demokratlar administrasiyası onun yenidən prezident seçilməsini əngəlləmək üçün barəsində nə az, nə də çox - düz 34 ittiham üzrə iş qaldırıb. Bir il bundan əvvəl Trampın bu ittihamlar fonunda yenidən prezidentliyə namizəd olacağına, hətta bir daha seçiləcəyinə inananlar o qədər də çox deyildi. Bu baxımdan, barəsində məhkəmə işini dəf edərək yenidən Ağ Evə sahib çıxmış Trampın kiçik Baydenin əfvini səssiz qarşılayacağı ağlabatan görünmür.
Vəkillər Todd Blanş və Emil Bouv artıq bəyan ediblər ki, əgər belədirsə, onda Tramp barədə qaldırılmış iddialar da ləğv olunmalıdır. Çünki ortada Baydenin özünün baiskarı olduğu presedent var. Əgər ata Bayden kiçik Baydenin prezident oğlu olduğuna görə təqibə məruz qaldığını düşünürsə, Trampa qarşı qaldırılmış iddialar da onun siyasi görüşlərinə görədir: “Trampın siyasi baxışları Vaşinqtondakı korrupsiyalaşmış siyasətçilər üçün təhlükə olmasaydı, bu ittihamlar heç vaxt qaldırılmazdı”. 

Demokrat administrasiyanın anti-demokratikliyi

Baydenin oğluna münasibətdə qanunsuz üzgörənliyi ABŞ-nin demokratlar hakimiyyəti illərində qəbul edilmiş bir çox kritik qərarların legitimliyini sual altına alır. Oğul Baydenə münasibətdə tətbiq edilmiş əfv onun məhz prezident oğlu olduğuna görədirsə, deməli, merkantil və şəxsi maraqları güdən bu kimi addımlar az olmayıb. Əgər problemi şəxsi və daxili müstəvidən beynəlxalq platformaya transformasiya etsək, demokratlar administrasiyasının yürütdüyü siyasətin bir çox hallarda qərəzli və məqsədli olduğunu görərik. Uzağa getməyək, Gürcüstan hökumətinin sıxışdırlması ona görə edilir ki, Tbilisi Qərbin tələblərinə boyun əymir. Bakıda uğurla başa çatan COP29-a qarşı gözdənsalma kampaniyası ona görə aparılırdı ki, demokratların gözləntiləri cavabsız qalmışdı, erməni dostlarının bəzi xülyaları Azərbaycan tərəfindən qətiyyətlə rədd edilirdi. Bir az da tarixə varsaq, yenicə prezident seçilmiş Bayden dövlətinin maraqlarına zidd gedərək “erməni soyqırımı”nı ona görə tanıdı ki, türk və islam dünyasına patoloji nifrəti var.

Son günlərini yaşayan Bayden administrasiyası ABŞ tarixinə ən uğursuz iqtidarlardan biri kimi daxil olacaq. İlk gündən seçki saxtalaşdırmaları hesabına hakimiyyət olimpinə qalxmış Baydenin dörd ildən sonra biabırçı şəkildə seçki prosesindən çəkilməsi, yerinə irəli sürülən namizədin isə bir vaxtlar səslərini oğurladıqları Trampa məğlub olması, onun hakimiyyətinin silinməz ləkəsidir. Onun bu rəzalət yolunun son anlarında cinayət törətmiş oğlunu əfv etməsini amerikalılar illər sonra yəgin ki, “Hantergeyt” adı ilə xatırlayacaqlar...

Müəllif: Rüstəm Qaraxanlı

Mənbə: Kaspi.az

BAMF BMT-nin İnsan Hüquqları Şurasında Azərbaycanlı uşaqlarla bağlı bəyanat yayımladı

Xəbər xətti

“OPEC+” “səkkizliyi” hasilatın artımını sürətləndirəcək
16:21 03.04.2025
Antiterror əməliyyatından sonra David İşxanyanın Xankəndidəki hotelində silah-sursat aşkarlanmışdı
16:19 03.04.2025
Sinqapur Prezidenti dövlət başçısı və Mehriban Əliyevanı təbrik edib
16:16 03.04.2025
İranın nüvə laboratoriyaları vurula bilər
15:36 03.04.2025
"Bakı və İrəvan arasında sazişin imzalanması regionda sabitliyə gətirib çıxaracaq"
14:46 03.04.2025
Trampın qərarı bazarlara "qorxu saldı", qızıl isə tarixi rekord qırdı
13:42 03.04.2025
"DOGE USAID-in əməkdaşlarına işdən çıxarılma ilə bağlı səhv sənədlər göndərib"
13:39 03.04.2025
İlham Əliyevə təbriklər gəlməkdə davam edir
13:24 03.04.2025
"ABŞ NATO-da qalacaq"
13:13 03.04.2025
Azərbaycan Dilinin Orfoqrafiya Lüğətinin hazırlanmasında süni intellektdən istifadə olunur
13:03 03.04.2025
Rusiyada gəmi təmiri zavodunda yanğın baş verib
12:49 03.04.2025
Bu il Bakıda Ombudsmanların Simpoziumu keçiriləcək
12:46 03.04.2025
Ən kiçik uçan robot hazırlandı
12:37 03.04.2025
Bu vitamin əlavələrini qətiyyən qəbul etməyin -Həkimdən xəbərdarlıq
12:27 03.04.2025
Hindistanda qırıcı təyyarə qəzaya uğradı: Ölən və yaralanan var
12:19 03.04.2025
Türkiyədə boykot çağırışı edən 10 nəfər saxlanıldı
12:16 03.04.2025
"2024-cü ildə azı 56 min insan itkin düşüb"
11:38 03.04.2025
ABŞ-ın mərkəzi ştatlarında güclü qasırğa baş verib
11:35 03.04.2025
31 Mart: Sessiz Çığlık Adnan Fişənk yazır...
11:34 03.04.2025
Venesuela-Azərbaycan Dostluq qrupunun rəhbəri Fəxri xiyabanı ziyarət edib
11:22 03.04.2025
Myanmarın Zəlzələ Fəlakəti və Humanitar Böhran davam edir
11:13 03.04.2025
Türkiyədə son beş ildə bir milyondan çox qanunsuz miqrant saxlanılıb
11:09 03.04.2025
Bu pendirlər marketlərdən yığışdırılacaq
11:09 03.04.2025
Azərbaycan incəsənət ustaları ilk dəfə Özbəkistanda tələbələr üçün ustad dərsləri keçiblər
10:59 03.04.2025
ABŞ-ın Yeni Ticarət Tarifləri: Donald Trampın Qlobal İqtisadiyyata Dəyişiklik Təklifi
10:57 03.04.2025
Ağdərədə insan sümükləri tapıldı
10:40 03.04.2025
Moskva vilayətində baş verən yanğında dörd nəfər ölüb
10:37 03.04.2025
NATO ölkələri 2025-ci ildə Ukraynaya 21 milyard dollardan çox yardım göstərib
10:29 03.04.2025
Yüzlərlə göbələk növü yox olmaq təhlükəsi ilə üzləşib
10:26 03.04.2025
Donald Trampın Ticarət Siyasəti: Qlobal İqtisadiyyata Təsirləri və Risklər
10:22 03.04.2025
Bu ərazilərdə güclü külək əsir
09:24 03.04.2025
Kəlbəcər yenidən dirçəlir
09:11 03.04.2025
Qlobal istiləşmə dünyanı kasıblığa sürüyür
08:17 03.04.2025
Pakistan prezidenti xəstəliyə yoluxdu
08:12 03.04.2025
Çin ABŞ tarifləri ilə bağlı əks tədbirlər görəcək
08:03 03.04.2025
Banqkokda dağılmış binanın altından 14 cəsəd tapıldı
07:56 03.04.2025
İsveçrədə dünyanın ən mürəkkəb mexaniki qol saatı təqdim olunub
07:26 03.04.2025
Tramp pinqvinlərə rüsum tətbiq edəcək
02:54 03.04.2025
Qazaxıstanda böyük nadir torpaq elementləri yatağı aşkarlanıb
01:13 03.04.2025
"Qalatasaray" "Fənərbağça"nı məğlub edərək yarımfinala yüksəldi
00:12 03.04.2025
Hamısı