Erməni media maqnatı Aram Qabrelyanov üçün işləyən rus jurnalist və bloqer Semyon Pegov, Dağlıq Qarabağın ərazisini tərk edib.
Eurasia Diary-nin xəbərinə görə, bu barədə Peqov özü abunəçilərinə məlumat verib.
Xatırladaq ki, WarGonzo layihəsinin müəllifi Semyon Peqov Azərbaycan Ordusunun Dağlıq Qarabağdakı əks-hücum əməliyyatı başladıqdan dərhal sonra peyda olub. Çox qısa müddətdə Peqov Qarabağ separatçılarının carçısı rolunu oynamağa başladı.
O, hərbi forma geyinərək və şevronlar taxaraq qondarma “DQR-in müdafiə ordusu”nun hərbi postlarında ermənilərin döyüş ruhunu yüksəldərək və Ermənistan Müdafiə Nazirliyindən əvvəl Ermənistan ordusunun növbəti böyük məğlubiyyəti barədə xəbərləri təkzib etməyə çalışırdı.
Ermənistan ordusunun Dağlıq Qarabağdakı böyük məğlubiyyəti Semyon Peqovu Dağlıq Qarabağdan qaçmağa məcbur etdi.
Xatırladaq ki, Azərbaycanda Semyon Peqova qarşı 214-2 (terrorizmə açıq çağırışlar), 281.1 (dövlətə qarşı yönəlmiş ictimai çağırışlar) və 318.2 (Azərbaycanın dövlət sərhədini qanunsuz keçmə) maddələri ilə cinayət işi başlanıb.