Bu günlərdə taksi sürücüləri arasında maraqlı müzakirə yayılıb. bir çox taksi sürücüsü yaxın vaxtlarda taksi şirkətlərinin tamamilə yerli istehsal olan avtomobillərə keçəcəyini iddia edir. Sürücülərin fikrincə, hazırda istifadə edilən hibrid və elektromobil nəqliyyat vasitələri yavaş-yavaş yerli yığım maşınlarla əvəz olunacaq. 

Sürücülərin marağını nəzərə alan "EDnyus" bu barədə  bir neçə mütəxəssisin fikirini öyrənib.

Fikir mübadiləsi apardığımız mütəxəssislərin əksəriyyəti düşünür ki, ötən ilin iyulunda Nazirlər Kabinetinin taksi fəaliyyəti ilə bağlı verdiyi bir sıra qərarlardan sonra buraxılış ili köhnə olan və taksidə istifadə edilən nəqliyyat vasitələri dövriyədən çıxarılıb. Lakin indiki şəraitdə taksi xidməti ilə bağlı bu cür radikal dəyişikliklər  bu sektorda ciddi problemlərə səbəb ola bilər.

Əvvəllər taksi fəaliyyəti göstərən şəxslərin bir çoxu maşınların artıq “yararsız” hesab olunması ucbatından işlərini itirib. İndiki şəraitdə növbəti “işsiz sürücülər” dalğasının formalaşmaması üçün taksi fəaliyyətində mövcud qaydaların dəyişməməsi ən optimal qərardır.

Son illər fərdi nəqliyyat vasitələrində olduğu kimi, taksi və ictimai nəqliyyatda da ekoloji təmiz maşınlardan istifadə praktikası tətbiq olunur. Bu baxımdan, yaxın gələcəkdə taksi sektorunda yerli istehsal olan və yanacaq mühərrikli avtomobilləri yeni nəsil elektromobillərin əvəzləməsi real görünmür.

Qeyd edək ki, hazırda bir çox taksi şirkətlərinin avtoparkında hibrid və elektormobillərdən əlavə, yerli yığım maşınlar da var.