Şənbə günü Loqos Psixoloji və Nitq İnkişaf Mərkəzində Rəhilə Gülgünün "Ömür hekayəti" adlı kitabının təqdimatı olub. Kitabda “Loqos”un baş psixoloqu, psixologiya üzrə fəlsəfə doktoru, Azərbaycanın praktik psixoloqlar Assosiasiyasının prezidenti Elmira Mirzəyevanın həyatı və iş fəaliyyəti təsvir olunur.

Mərkəzin rəhbəri Təranə Məmmədova tədbiri açaraq öncə kitabın işıq üzü görməsi münasibətilə iştirakçıları təbrik etdi. O, qeyd etdi ki, Mərkəzin fəaliyyətində Elmira Mirzəyevanın rolu əvəzsizdir.

Qonaqlara psixoloq Elmira Mirzəyеvanın ailə arxivindən olan görüntülər, onun uşaqlarla çəkdirdiyi video klip və müsahibəsi nümayiş etdirildi.

E. Mirzəyеva bildirdi ki, artıq 37 ildir sevdiyi peşədən ayrıla bilmir. Həmçinin o, həyatda yalnız iki şeyi sevdiyini deyib: uşaqlar və güllər. Elmira Mirzəyeva məcburi köçkünlərlə görüşmək və onlara psixoloji dəstək vermək üçün tez-tez cəbhə bölgəsinə getdiyini söyləyib.

"Bizim qaçqın və məcburi köçkünlərlə 20-dən artıq layihəmiz olub", - o deyib. Elmira Mirzəyeva eləcə də, diabet xəstəsi olan uşaqlar və yoxsulluğa qarşı mübarizə ilə bağlı digər layihələrdən danışıb.

Kitabın müəllifi Rəhilə Gülgün Təranə Məmmədovaya kitabın dərc edilməsində göstərdiyi dəstəyə görə təşəkkür etdi.

O, Elmira Mirzəyevanın tədbirdə iştirak edən həmkarlarına, qohumlarına və xəstələrinə söz verib. Onlar kitabın qəhrəmanın xeyirxahlığını və peşəkarlığını  yüksək qiymətləndirdilər.

Filologiya elmləri doktoru, tənqidçi Elnarə Akimova "Ömür hekayəti" kitab haqda təəssüratlarını bölüşüb: "Bəzən insanlar romanda uydurulmuş qəhrəmana bənzəmək istəyirlər, lakin real həyatda da oxşamaq istədiyimiz insanlara rast gəlirik. Rəhilə Gülgünə Elmira Mirzəyevanın həyat hekayəsini təsvir etməyi qərara aldığı üçün təşəkkür edirəm. Qoy onun hekayəsi Azərbaycanda bir çox qadınlar üçün nümunəyə çevrilsin", - deyə tənqidçi bildirib.

Sankt-Peterburqdan olan psixoterapevt, psixologiya elmləri doktoru, professor Şamil Taşayev qeyd edib ki, insanların həyatı barədə yazılan kitablar öz yolunu axtaranlar üçün çox vacibdir. O, həmçinin, Elmira Mirzəyeva ilə illər öncə Peterburqda tanış olduğunu və o zamandan bəri bir-birləri üçün doğma insana çevrildiklərini deyib.

Mən ondan çox şey öyrənmişəm. Onda hökmlə danışığın olmaması mənim xoşuma gəlir, beləcə o, beş uşaq tərbiyə edib. Mən tez-tez "olmalıdır" kəlməsini istifadə edirəm, o isə sözümə düzəliş edərək, bunun əvəzinə “yaxşı olardı ki" ifadəsinin daha düzgün olduğunu deyir.

Tədbirin sonunda müəllif oxucular üçün kitablarını imzaladı.

Hazırladı: Natalya Quliyeva