Bu gün yaşayan, imzası ilə xeyli diqqət çəkən qələm nümayəndələri var. Onlara klassika də deyə bilərik. Artıq o yazıçılar ədəbiyyatda öz sözlərini deyiblər. Bəs yaxşı, "Yaşayan ən yaxşı nasirimiz kimdir?”
Ednews bu barədə tanınmış yazıçılarla sorğu keçirib. Cavabları təqdim edirik:
Yazıçı, deputat Aqil Abbas:
"Anar, Elçin, Seyran Səxavət, Məmməd Arazın kürəkəni".
Yazıçı Səfər Alışarlı:
"Yazıçının yaxşılığı,pisliyi öləndən sonra daha dəqiq bilinər. Əlbəttə, bütün yazıçıları oxumaq mümkün deyil. Ancaq ədəbiyyatımızın inkişafında bütün yazıçıların xidmətini etiraf etmək lazımdır. Bəziləri bizə necə yazmaq lazım olduğunu, bəziləri isə necə yazmaq lazım olmadığını öyrədir. Bu baxımdan kimlərisə xüsusi seçmək istəməzdim, ancaq Axundovdan üzü bəri yaxşı Azərbaycan yazıçılarını saymaq üçün hələlik bir əlin barmaqları kifayət edir. Qoy, içi mən qarışıq, hər bir Azərbaycan yazıçısı özünü o barmaqlardan biri saysın”.
Şair Rasim Qaraca:
“Həmid Herisçi, Nərmin Kamal, Seymur Baycan".
Yazar Səhər Əhməd:
“Pərviz Cəbrayıl, Şərif Ağayar, Mübariz Örən, Qan Turalı”.
Yazıçı Mübariz Örən:
"Çingiz Hüseynov, Əkrəm Əylisli, Anar, Elçin, Kamal Abdulla, Afaq Məsud, Fəxri Uğurlu, Şərif Ağayar, Məqsəd Nur, Elçin Hüseynbəyli, Seymur Baycan, Saday Budaqlı, N. Əbdürrəhmanlı, Azad Qaradərəli, Ataqam, Mirmehdi, cavanlardan Şəhriyar Del Gerani, Şamxal Həsənov, Həmid Piriyev, Xəyyam Rəfili, Orxan Həsəni".
Alpay Azər:
“Ataqam, Saday Budaqlı, Şamxal Həsənov, Xəyyam Rəfili”.
Narıngül Nadir:
“Anar, Seyran Səxavət, Mübariz Örən, Təranə Vahid, Nərmin Kamal, Şərif Ağayar, Ayxan Ayvaz, İlham Əziz, Elçin Hüseynbəyli”.
Yazıçı Cavid Zeynallı:
"Siyahı böyükdür, ona görə heç kimin adını çəkməyəcəyəm. Adını unutduğum insanlar ola bilər. Bu da ədalətsizlikdir. Amma müasir Azərbaycannəsrinin çox istedadlı yazıçıları var. Onların hər biri Azərbaycan üçün dəyərdirlər.Təəssüf ki, ədəbiyyat bizim ölkəmizdə prioritet deyil, ciddi və sistemli təbliğ olunmur. Ona görə də yazıçılarımız dar çevrədə tanınır, kitablar satılmır,onlar layiq olduqları qiyməti ala bilmirlər. Təəssüf ki, bu da ruh düşkünlüyü yaradır.”
Yazar Günel Natiq:
"Əkrəm Əylisli, Mövlud Süleymanlı və Anarın adını çəkərdim. Bu yazıçılar sözün dərinliyini, alt qatını duyur. İnsan hisslərini ancaq bu qədər- iliyinə qədər duymaq, oxucuya doğmalaşdırmaq olar. Onların bir özəlliyi də Sovet vaxtı stereotiplərini qırıb xalqa yaxın olmaları, onunla onun dilində danışmalarıdır.”
Yazar Orxan Həsəni:
“Əkrəm Əylisli, Saday Budaqlı və Şərif Ağayar”.
Oğuz Ayvaz