Qazaxıstanda “Qırmızı bağ” filminin beynəlxalq premyerası keçirilib | Eurasia Diary - ednews.net

25 Avqust,


Qazaxıstanda “Qırmızı bağ” filminin beynəlxalq premyerası keçirilib

Mədəniyyət A- A A+
 Mirbala Səlimlinin “Qırmızı bağ” bədii filminin beynəlxalq premyerası keçirilib.
 
C. Cabbarlı adına “Azərbaycanfilm” kinostudiyasından verilən məlumata görə, filmin nümayişi 12-ci Avrasiya Beynəlxalq Film Festivalının əsas müsabiqə proqramında gerçəkləşib. Qazaxıstanda keçirilən festival çərçivəsində film üç dəfə nümayiş etdirilib. Festivala dəvət alan ssenari müəllifi və quruluşçu rejissor Mirbala Səlimli filmin nümayişləri və mətbuat konfranslarında iştirak edib.
 
Azərbaycan və Rusiyanın birgə istehsalı olan “Qırmızı bağ” filmi Mədəniyyət və Turizm Nazirliyinin dəstəyi ilə Cəfər Cabbarlı adına “Azərbaycanfilm” kinostudiyasında və Rusiyanın “WeiT Media” kino şirkətində lentə alınıb. Ekran əsərinin quruluşçu operatoru Maksim Drozdov, quruluşçu rəssamı Leonid Karpov, bəstəkarı Salman Qəmbərov, icraçı prodüserləri Tofiq Musayev, Timur Cəfərov, Nazim Hüseynov, prodüserləri Müşfiq Hətəmov (“Azərbaycanfilm”) və Timur Vaynşteyndir. (“WeiT Media”.)
 
Filmdə baş rolları Maqsud Məmmədov, Gülzar Qurbanova, Taleh Bədiyev və digərləri canlandırır.
 

APA

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...