Daha bir ölkə milli valyutanı elektronlaşdırır | Eurasia Diary - ednews.net

18 Oktyabr, Cümə


Daha bir ölkə milli valyutanı elektronlaşdırır

İqtisadiyyat A- A A+

İsveçdə milli valyutanın elektron versiyası hazırlanır.

Eurasia Diary AZƏRTAC-a istinadən xəbər verir ki, bu barədə İsveç KİV-ləri məlumat yayıb. Krallıqda rəqəmsal kron (milli valyuta) yaradılması üzrə yeni pilot layihəsi hazırlanıb. Yeni layihəyə ölkə parlamentində baxılmalıdır, lakin İsveç Bankında bu layihənin uğurla implementasiya olunması üçün hansı hüquqi normaların tətbiq edilməli olması öyrənilir.

Yeni sistem mobil qurğulara yüklənə biləcək proqram əlavələrinin köməyi ilə bütöv bir elektron sistem yaradılmasını nəzərdə tutur. E-kronu plastik kartlarda yerləşdirmək və ödənişlərin həyata keçirilməsi üçün ondan istifadə etmək mümkün olacaq.

Qeyd edək ki, İsveçdə nağd pullar praktiki olaraq, dövriyyədən çıxıb. Artıq bu gün İsveç dünyada nağdsız hesablaşmaların ən çox aparıldığı ölkədir. Burada demək olar ki, hər yerdə ödənişi plastik kartlar və ya mobil qurğular vasitəsilə həyata keçirmək olar. Bir çox bankların bölmələri, restoranlar, muzeylər və digər ictimai müəssisələr nağd pul qəbul edilməsini və ondan istifadə olunmasını tamamilə dayandırıblar. İstehlakçıların rahatlığı üçün İsveçdə ödənişlər aparılması, sürətli pul köçürmələri, müştərilərin tanınması, habelə kreditlər verilməsi üçün müxtəlif mobil proqramlar yaradılıb. Bu və bir sıra başqa funksiyaları smartfonların köməyi ilə həyata keçirmək olar.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...