İrandan Türkiyəyə qaz nəqli bu gündən dayanıb.
EdNews apa-ya istinadən xəbər verir ki, buna səbəb İran -Türkiyə qaz boru kəmərində partlayış baş verməsidir.
İranın Milli Qaz Şirkətinin nümayəndəsi Mehdi Cəmşidi Dana bildirib ki, bundan öncə də İran-Türkiyə qaz boru kəməri bir neçə dəfə partladılıb: "Bu dəfə də ehtimal olunur ki, qaz kəmərini PKK terror təşkilatı partladıb. Bundan əvvəl də dəfələrlə belə hallar olub”.
O deyib ki, qaz boru kəmərinin təmir edilməsi və qaz ixracının bərpası 3-4 gün çəkə bilər.
Qeyd edək ki, bu gün səhər saatlarında İrandan Türkiyə ərazisinə qaz ötürən kəmərdə partlayış baş verib. Məlumata əsasən, hadisə yerli vaxtla saat 06:00 radələrində qeydə laınıb. Partlayışın Türkiyənin Ağrı vilayətinin Gülbulak sərhəd keçid məntəqəsi rayonunda baş verdiyi bildirilib. Partlayışdan sonra 40 metr yüksəklikdə alov müşahidə edilib.