Türkiyə Azərbaycandan qaz idxalını 17% artırıb | Eurasia Diary - ednews.net

28 May, Cümə axşamı


Türkiyə Azərbaycandan qaz idxalını 17% artırıb

İqtisadiyyat A- A A+

Bu ilin yanvar ayında Türkiyə Azərbaycandan 945 mln. kubmetr təbii qaz idxal edib.

EdNews xəbər verir ki, bu barədə Türkiyənin Enerji Bazarını Tənzimləmə Qurumunun (Enerji Piyasası Düzenleme Kurumu – EPDK) hesabatında qeyd olunub.

Bu göstərici ötən ilin müvafiq ayından 16,9% çoxdur.

Türkiyənin ümumi qaz idxalında Azərbaycanın payı 15,78% təşkil edib.

Hesabat dövründə Türkiyə ümumilikdə 5,988 mlrd. kubmetr qaz idxal edib. Bu həcmin 3,859 mlrd. kubmetri boru kəmərləri ilə nəql edilən qaz, 2,129 mlrd. kubmetri isə LNG qazı olub.

İlin I ayında Türkiyə Rusiyadan 2,210 mlrd. kubmetr, İrandan isə 704 mln. kubmetr qaz alıb.

Qeyd edək ki, Türkiyəyə Azərbaycanın “Şahdəniz” yatağından hasil edilən təbii qaz nəql edilir. Təbii qaz həcmləri Cənubi Qafqaz Boru Kəməri (Bakı-Tbilisi-Ərzurum) və Trans-Anadolu Qaz Kəməri (TANAP) vasitəsilə Türkiyə bazarına çatdırılır. Bakı-Tbilisi-Ərzurum kəməri ilə ilk qaz Türkiyə bazarına 2007-ci ildə daxil olub. TANAP vasitəsilə Türkiyəyə kommersiya qazının nəqlinə isə 2018-ci il iyunun 30-da başlanılıb.(report)

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan


Загрузка...