Hazırda Azərbaycanın avtomobil parkının böyük hissəsini (təqribən 60 faizi) köhnə, yararsız avtomobillər təşkil edir. Bu barədə avto-nəqliyyat üzrə ekspert Eldəniz Cəfərov Eurasia Diary-yə bildirib.

 

Ekspert qeyd etdi ki, hələ bir neçə il öncə Respublikanın avtomobil parkının təzələnməsi haqqında müxtəlif qərarlar qəbul olunsa da, təəssüf ki, bunlar kağız üzərində qalıb.

 

"2019-cu ildə Azərbaycan Respublikasında "Avtomobil yollarının təhlükəsizliyi ilə bağlı dövlət proqramı" da qəbul olunub. Cənab Prezident tərəfindən imzalanıb və Nazirlər Kabinetinə icra olunmağa göndərib. Lakin bu vaxt ərzində bu istiqamətdə əməli işlər görülməyib", Eldəniz Cəfərov deyib.

 

Mövzu çərçivəsində Azərbaycanın avtomobil parkının təzələnməsinin həyata keçirilməsində mövcud problemlər və onların həlli yolları müzakirə edildi:

 

Avtomobil parkını yeniləmək üçün atılacaq zəruri addımlardan biri yeni, ekoloji təmiz avtomobillərin idxalına gömrük və aksiz vergisinuin azaldılması olmalıdır. Avtomobillərə tətbiq olunan rüsumlar o qədər yüksəkdir ki, vətəndaşlar köhnə, yarasız və təhlükəli avtomobil sürməyə məcbur olublar. Fakitiki olaraq indiki vəziyyət Azərbayacanı, xüsusən də Bakını dünyanın avto-metalolom məkanına çevirib. Hər gün ölkəmizə onlarla yararsız avtomobil daxil olur. Ekoloji təmiz avtomobillərə isə heç bir güzəşt tətbiq edilmir. Halbuki hibrid və elektromobillər güzəştli rüsumlarla idxal olunamlıdır. Belə maşınların istismarı stimullaşdırılmalıdır.

 

İkinci atılacaq addım avto-kreditləşmənin şərtlərinin sadələşməsi və kasko sığortanın məbləğinin azaldılması olmalıdr. Kredit şərtləri o qədər ağır, faizləri o qədər yüksəkdir ki, vətəndaşlar təzə avtomobil almaqda çətinlik çəkirlər. Üstəgəl, təzə maşın alınarkən tələb olunan məcburi sığorta haqqı. 

 

Üçüncü addım köhnə avtomobilərin utilizasiyasıdır. Bu vacib proqramdır. Bu layihə tezliklə həyata keçirilməlidir. Lakin bunun üçün əvvəlki iki məsələ həll edilməlidir. Rüsum və kredit məsələsi həll olmadan utilizasiya proqramı effektiv olmayacaq. 

 

Sədrəddin Ağcayev

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary