Azərbaycan və BƏƏ əlaqələri iqtisadi əməkdaşlığımızın gücləndirilməsilə zənginləşir - NAZİR - ednews.net

7 İyul, Cümə axşamı

(+994 50) 229-39-11

Azərbaycan və BƏƏ əlaqələri iqtisadi əməkdaşlığımızın gücləndirilməsilə zənginləşir - NAZİR

İqtisadiyyat A- A A+

Azərbaycanla Birləşmiş Ərəb Əmirlikləri (BƏƏ) arasında möhkəm dostluğa əsaslanan əlaqələr iqtisadi əməkdaşlığın gücləndirilməsilə zənginləşir.

Ednews xəbər verir ki, bu barədə iqtisadiyyat naziri Mikayıl Cabbarov özünün "Twitter" səhifəsində yazıb.

"Azərbaycan Hökuməti və Birləşmiş Ərəb Əmirlikləri Hökuməti arasında iqtisadi, ticarət və texniki əməkdaşlıq üzrə Birgə Hökumətlərarası Komissiyanın yaradılmasından 14 il keçir", - nazir xatırladıb.

Qeyd edək ki, bu ilin yanvar-aprel aylarında Azərbaycan və BƏƏ arasında ticarət dövriyyəsi ötən ilin eyni dövrü ilə müqayisədə 68,3 % artaraq 18,081 milyon ABŞ dollarına çatıb. Bunun 6,466 milyon ABŞ dolları ixracın,11,615 milyon ABŞ dolları isə idxalın payına düşüb. Bu da, əvvəlki ilin eyni dövrü ilə müqayisədə müvafiq olaraq 20,3% və 2,2 dəfə çoxdur.

BƏƏ tərəfindən Azərbaycan iqtisadiyyatına 2,2 milyard ABŞ dolları, Azərbaycandan isə BƏƏ-yə 350 milyon ABŞ dollarından çox sərmayə yatırılıb. Azərbaycanda sənaye,energetika, tikinti, ticarət, kənd təsərrüfatı, rabitə, nəqliyyat, xidmət və sair sahələrdə BƏƏ şirkətləri fəaliyyət göstərir.

Hazırda Azərbaycan Birləşmiş Ərəb Əmirliklərinin ölkənin enerji sektorunda daha geniş və hərtərəfli iştirakı ilə bağlı fəal müzakirələr aparır.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...