Dünya neftinin qiymətinin düşməsi Azərbaycan neftinə necə təsir edəcək? - Ekspertdən münasibət - ednews.net

4 Dekabr,

(+994 50) 229-39-11

Dünya neftinin qiymətinin düşməsi Azərbaycan neftinə necə təsir edəcək? - Ekspertdən münasibət

İqtisadiyyat A- A A+

Xəbər verdiyimiz kimi dünya bazarında  neftin qiyməti kəskin şəkildə ucuzlaşıb.  Qiymət 78 dollaradək düşüb. Brent markalı neftin qiyməti 86 dollardan,  WTI markalı neftin qiyməti isə 79 dollardan aşağı düşüb. Brent nefti 5,01% dəyər itirərək 85,85 dollar barelə qədər ucuzlaşıb. Maraqlıdır ki, dünyada neftin qiymətinin düşməsi Aİ-95 markalı neftin qiymətinə də təsiri olacaqmı? 

Bununla bağlı Neft Araşdırmalar Mərkəzinin rəhbəri, enerji məsələri üzrə ekspert İlham Şaban Ednews-a açıqlamasında bildirib ki, bu dünyada çoxdan təsir edib. İyun ayında neftin qiyməti 115-116 dollar idi.

“Artıq avqust ayının ortasında  neftin qiyməti 95 dollara düşdü. Neftin qiymətinin aşağı düşməsi  neft məhsullarında da özünü göstərdi. Adətən neftqayırma zavodları özünün topdan satış qiymətlərinə iki həftədən bir düzəlişlər  edirlər.” 

Ekspertin sözlərinə görə ABŞ-da 5 dollardan baha satılan  Aİ-95 markalı benzinin qiyməti  2 dollar ucuzlaşıb. 

“Azərbaycan Aİ-92 markalı benzini də idxal edir. Aİ-95 markalı benzinin qiyməti Ai-92-dən ucuzdur. Çünki Aİ-95 markalı benzinin 75 faizi Rusiyadan gəlir. Rusiyada da qiymətlər artıma yox, ucuzlaşmaya gedir. Bu gün benzinin qiymətinin 2 manat olması bir qədər başa düşülən deyil. Türkiyədə neftin qiyməti bizdən ucuzdur. Türkiyədə  bizim valyuta ilə hesablasaq 1 manat 83 qəpikdi. Nefti satan  sxemi göstərməlidir ki, nəqliyyat xərcləri və digər  xərclər nə qədərdir? Azərbaycan İqtisadiyyat nazirliyi yanında anti-inhisar agentliyi  var. Azərbaycan hökümətinin 2014-cü il 1 aprel tarixində qəbul etdiyi qanunu var ki, yüksək oktanlı benzinlərin ölkə daxilində pərakəndə satışı  dövlət tərəfindən tənzimlənmir. Bir ölkənin daxilində də 900-dən çox yanacaq doldurma məntəqəsi var. Əgər onlar eyni gündə qiyməti qaldırırlarsa, eyni  gündə də aşağı salırlarsa bunun  adı kartel sözləşməsidir. Yəni bazardakı bir qrup  ticarətçinin sövdələşərək bazarda  öz qiymətlərinin qibtə etməsi  bu rəqabətə zidd qanundur. Arzu edirəm ki,  vətəndaş kimi yanacaq doldurma məntəqələrində  müxtəlif  rəqəmlər görməyək”.   

Ekpert qeyd etdi ki, Azərbaycanda cari ilə nisbətən yüksək oktanlı benzinin idxalı azalıb.

“Mən məəttəl qalıram ki  yanacaq doldurma məntəqəsində bahalı maşınlar  Aİ-92 markalı benzin alırlar. Bu ölkə üçün çox ziyandır. Hazırda ölkədə ən çox satılan dizel markalı benzindir.  Bakı şəhərinin ekologiyasını  hər gün korlayırlar. Çünki  inkişaf etmiş ölkələrdən  hər il  ölkəmizə 60 min 70 min-ə yaxın avtomobillər gətirilir. Bu avtomobillərin qiyməti istehlakı da artır. Bu vəziyyət höküməti də razı salır. Çünki  gətirilən hər avtomobildən satış qiymətindən əlavə vergi də tutulur. Təəssüf ki, burada ekologiyanı düşünən  yoxdur”.

Ayan Rzayeva



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...