Bəzən marketlərdə, mağazalarda üzərində yararlılıq müddəti olmayan, üzərindəki etiketi dəyişdirilən, yararlılıq müddəti silinən keyfiyyətini itirmiş məhsullara rast gəlirik. Çox zaman istehlakçı olaraq buna etirazımızı bildirsək də, hər hansı bir yolla məsələ bağlanır.

Bəs mağazalarda yaralılıq müddəti bitən məhsullar distribütora qaytarılandan sonra həmin məhsullarla nə edilir?

Məsələ ilə bağlı Ednews-a Qida məsələləri üzrə ekspert, baş mütəxəssis Ağa Salamov bildirib ki, vaxtı keçmiş məhsulları bəzi marketlər, son istehsal tarixi keçmiş məhsullları süni şəkildə üzərinə tarix yapışdırırlar. Yəni istehlakçılar burda ehtiyatlı olmalıdırlar.

“Aldıqları məhsulların kiflənməsinə, nəmişliyinə, qoxusuna diqqət etməlidirlər. Buna şirniyyatlar, şokoladlar, eyni zamanda quru meyvələr də daxildir. Hansı ki, onların da üzərinə süni etiketlər yapışdırılır. Ağartı məhsullarında da bu cür hallar olur. Bəzən müşahidə edirik ki, məhsulun istehsal tarixi keçməyib, amma qapaq şişib. Bu vakumdan da ola bilər, içində hava qalır. Bu texniki problemdir. Bir də var, qeyri-texniki problem. Əslində o vakum elə vurulmalıdır ki, içində heç hava qalmasın. İçindən havanı çıxarıb vurmalıdırlar. Alıcılar diqqətli olsun, aldanmasınlar”.

Eksperin sözlərinə görə, qida nəzarəti sistemi çox aşağıdır. Bəzi məhsulların ipucları var ki, etiketlər dəyişəndə hansı hala düşürlər. Bəzən də ipucların tapmaq olmur. Məhsul quru məhsuldur, kiflənmir. Onun üzərinə yenidən etket vurulub, istifadə olunur.

Azərbaycan Qida Təhlükəsizliyi agentliyindən bildirlib ki, əgər belə fakt varsa, bizə ünvanı, məhsulu və ya qəbz varsa, onu bildirin, araşdırıb tədbir görək. Şikayətçi özü də ümumiyyətlə istənilən vətəndaş belə hallarla rastlaşdıqda Agentliyin 1003 çağrı mərkəzinə zəng vurub məlumat verə bilər.

“AQTA qida məhsullarının minimum keyfiyyətinə və təhlükəsizliyinə nəzarət edir. Keyfiyyət məsələsi istehlakçı ilə istehsalçı arasında tənzimlənən məsələdir. Məhsulun tərkibi qablaşdırmanın üzərindəki etiket məlumatlarında aydın göstərilməlidir. Məhsulun tərkibi ilə qablaşdırmanın üzərindəki etiket məlumatları arasında uyğunsuzluqlarla bağlı analoji hal ötən dövr ərzində enerji içkilərində də aşkarlanıb və bununla əlaqədar qanunvericiliyə uyğun tədbirlər görülüb”.

Agentliyin verdiyi məlumata görə, ölkə ərazisində fəaliyyət göstərən ticarət obyektlərində satışı həyata keçirilən süd məhsullarından 85 yerli istehsal, 24 idxal edilmiş məhsul olmaqla, ümumillikdə 109 nümunə götürülərək müayinə məqsədilə AQTA-nın müvafiq laboratoriyasına təqdim edilib.

“Sınaq nəticəsinə əsasən, 10 pendir, 3 xama və 4 kəsmik nümunəsində mikrobioloji göstəricilərdən E.coli, 1 pendir nümunəsində Stafilokok bakteriyası, 1 kəsmik nümunəsində həm E.coli, həm də tərkibində etiket məlumatlarında bəyan edilməyən fitosterin, 1 xama nümunəsində tərkibində etiket məlumatlarında bəyan olunmayan fitosterin aşkarlanıb. Aşkar olunmuş uyğunsuzluqlarla əlaqədar həmin müəssisələrdə plandankənar yoxlama çərçivəsində qanunvericiliyə uyğun zəruri tədbirlər görülüb.

Aynurə İsmayılqızı