Türkiyə lirəsi dollar qarşısında rekord həddə ucuzlaşıb. Belə ki, 1 dollar 20,39 lirəyə qədər yüksəlib. Türkiyə lirəsi ilin əvvəlindən 7,3%, son 10 il ərzində isə 90%-dən çox ucuzlaşıb.

Məsələ ilə bağlı iqtisadçı ekspert  Natiq Cəfərli Ednews-a bildirib ki, Türkiyədə lirənin ucuzlaşması, dolların qalxması ölkənin öz struktur problemlərindən qaynaqlanır. 

“Ölkədə valyuta gəlirləri azalır, gözlənilən sayda turist gəlməyib. İlin ilk 5 ayında ölkəyə 11 milyon turist gəlib. Halbuki 16 milyon gözlənilirdi. İxracatda müəyyən azalmalar var. İdxaldan aslılıq müşhidə olunur. Türkiyə yanacaq və enerji daşıyıcılarını xaricdən dollarla alır. Bu da ticarət dövriyyəsində mənfi təsir göstərir.  Obyektiv səbəblər var. Bu da Qərbdən, Amerikadan  qaynaqlanmır”.

İqtisadçının sözlərinə görə, lirənin dollar qarşısında rekord həddə ucuzlaşması Türkiyənin öz daxilindən qaynaqlanan məsələdir.

“Türkiyədə Mərkəzi Bank uçot dərəcəsini aşağı salır. Hər yerdə bu rəqəm qaldırılsa da, Türkiyədə aşağı salınır. Özlərin aldığı qərarlardan hazırki vəziyyət formalaşır. Türkiyə bunun öhdəsindən gələcək. Çünki böyük və güclü dövlətdir. Seçkilərdən sonra struktur islahatlara ehtiyac var idi. Türkiyə dollardan imtina etməsi mümkün deyil. Çünki xarici ticarətdə dollardan istifadə edir. Lirədən istifadə edə bilməyəcək. Lirənin məzənnəsi çox oynayır. Bu isə iş adamlarına uyğun olmayacaq”.

Aysel Şahmar