İşğaldan azad olunmuş Azərbaycan torpaqlarının ev sahibliyi etdiyi təbii sərvətlərin, sözsüz, ölkə iqtisadiyyatına xüsusi təsiri olacaqdır. İşğal olunan torpaqların azad olunması, özündə görüləcək yeni işlər və dəyərləndiriləcək yeni fürsətlər gətirib. Qarabağın işğaldan azad olunması Azərbaycan iqtisadiyyatı üçün hər aspektən mühüm bir hadisə olub.

Bu barədə Ednews-a danışan iqtisadçısı Ruslan Atakişiyev, Qarabağda görüləcək işlərin ölkə iqtisadiyyatının azadlığına qatacağı töhfələrin əhəmiyyətlərini vurğulayıb:

“Təhlillər onu göstərir ki, Qarabağın inteqrasiyası Azərbaycanın iqtisadiyyatına bir çox baxımdan, əsasən də UDM-un həcminin artması baxımından mühüm əhəmiyyət daşıyır. Misal üçün Cəbrayıl və Zəngilanda müxtəlif tikinti materialı yataqları mövcuddur. Əlavə olaraq bu ərazilədə termal sular var ki, bu da ərazini əkinçilik və maldarlıq üçün yararlı edir. Qeyd edim ki, Kəlbəcər rayonunda meşəçiliyin və arıçılığın inkişafı əsas məsələlərdən biridir”. 

Qarabağda turizm...

İqtisadçı həmçinin, Qarabağın turizm sektorunda yaradacağı fərq haqqında da danışıb:

“Regionun turizm potensialına nəzər saldıqda, Şuşa və Kəlbəcərin bu baxımdan olduqca münbit olduğunu vurğulamağa dəyər. Bu sahə üzrə onu da qeyd etmək lazımdır ki, burada yaşayacaq olan yerli əhali üçün çoxlu sayda iş imkanları yaranacaqdır”.

Təbii resurslar…

Ekspert, sözügedən regionda yaradılacaq təsisatların ölkədəki qeyri-neft sektoruna təsiri bardə isə belə deyib:

“Təbii ki, Qarabağın iqtisadiyyatı haqqında danışdıqda, regiondakı iqtisadi fəaliyyətlərin ölkə səviyyəsində  qeyri-neft sahələrinə verəcəyi töhfədən bəhs etməmək olmaz. Regionun təbii resurslarının zəngin olması, ölkənin ixracatına müsbət təsir göstərməsinə gətirib çıxaracqdır. Əlbəttə, təbii sərvətlərin emalı üçün yeni zavod və fabriklərin yaradılması mütləq hal alacaqdır və bu da öz növbəsində yeni bir çox iş yerlərinin açılması deməkdir. Bu həmçinin, əhalinin iri şəhərlərdən, eləcə də paytaxtdan bu ərazilərə köç etmələrinə gətirib çıxaracaqdır. Beləcə də, ölkədə qeyri-neft sektorunun inkişafı özünün növbəti mərhələsinə keçid edəcəkdir”.

Sərmayələr...

İqtisadi ekspert investisiyaların Qarabağda yaşayış üçün zəmin rolunu oynadığını da bildirib:

“Regiona ayrılan sərmayələr təbii ki, artıq öz sözünü deyib. Buna baxmayaraq, hələ ki, regionda infrastrukturun inkişaf edirilməsi və həyati əhəmiyyət daşıyan yolların çəkilməsi üzrə işlər gedir. Bütün bu işlər regionda yaşayışı bərpa etmək üçün zəmin rolunu oynayır. Ən önəmli məsələ, burada yaşam mühitinin qurulması üçün həm yerli, həm də xarici investorların diqqətini regionada cəmləməkdir. Bunun üçün artıq 3 ildir ki bir sıra işlər aparılır. Aparılan müsahibə bunu göstərir ki, indiyə kimi 450-dən çox biznes layihələri ilə bağlı müraciətlər edilmişdir.”

Bərpa olunan enerji mənbələri...

Fəlsəfə doktoru öz şərhində regiondakı bərpa olunan enerji mənbələrinə də toxunub:

“Qeyd edim ki, Qarabağda bərpa olunan enerji mənbələrindən istifadə etmək çox əhəmiyyətlidir. Burada bildiyimiz kimi, V şəkilli hündür çaylar mövcuddur, hansı ki onların ətrafında enerji stansiyaları yaratmaq olar.”

Fərid Axundov