Onlayn ticarət platformasından geniş istifadə gələcəkdə Azərbaycanda bazarına güclü təsir edə, hətta bazarın çökməsinə səbəb ola bilərmi?
Bu barədə Ednews-a iqtisadçı-ekspert Günay Hüseynova bildirdi ki, onlayn ticarət platformasının yayılmasını tamamı ilə dəstəkləyirəm.
“Bu tendensiya ölkəmizdə işsizlərə, iş qurmaq istəyənlərə bir növ motivasiya olar. Digər ölkələrin tanınmış saytları var ki, bütün dünya ölkələrindən sifariş qəbul edirlər. Bu da təbii ki, ölkə iqtisadiyyatına böyük dəstəkdir. Ümid edirəm ki, ölkəmizdə də olar. Onlayn ticarət platformasının müsbət tərəfləri çoxdur. Əvvəla mağazaların kirayə haqqı olduqca yüksəkdir, bundan əlavə digər xərclərdə var. Yəni ayda gəliri olsa da olmasa da sahibkar bu xərcləri ödəməlidir. Alıcılar yönündən baxdıqda isə işləyən insanların vaxtı olmur ki, mağaza-mağaza gəzib hansısa məhsulu almağa. Digər yandan öz işini qurmaq istəyənlər üçün də stimul olar. Dəfələrlə şahid oluruq bazar yanır, sahibkarın malı kül olur və ya biri yeni yer açar, ”haqq” alınır axırda məcbur olur bağlamağa. Ona görə də ən optimal variant e-ticarətdir vergisini versin, məhsulunu satsın alıcı ilə satıcı bir növ üz üzə gəlməsin. Yüksək arendaya verəcəyi pulu ,kuryere maaş olaraq verər. Həm məhsulu satılar, həm dövlət büdcəsinə qatqısı olar ,həm də kargo sektoru daha da genişlənər insanlar üçün yeni iş yerləri açılar,hətta hansısa məhsulun yerli istehsalçısı belə ola bilər”.
Oğuz
