Səudiyyə Ərəbistanı ilə investisiya, birgə layihələr və ixrac sahəsində əməkdaşlığın genişləndirilməsi haqqında görüş keçirilib. Görüşdə Səudiyyə Ərəbistanı tərəfi energetika sahəsində neftin ticarət dövriyyəsinin artırılması haqqında bir sıra vədlər verib.
Bu, Yaşıl Enerjinin Azərbaycanda istehsalına necə təsir edə bilər?
Mövzu ilə bağlı Ednews-a açıqlama verən iqtisadçı-ekspert Azər Mehdiyev bildirib ki, Səudiyyə Ərəbistanı alternativ enerji sənayesində rəqabət halındadır:
“Səudiyyə Ərəbistanının İqtisadiyyat Nazirliyi ilə birgə həyata keçirdiyi tədbirin əsas məqsədi neft sahəsi üzrə görülən işlərin həcmini artırmaq üçündür. Alternativ enerjinin son zamanlar gözləniləndən artıq dərəcədə inkişaf etməsi Səudiyyə Ərəbistanı başda olmaqla bir çox Ərəb dövlətlərini narahat edir. Səudiyyə də Yaşıl Enerji sahəsində olduqca irihəcmli yatırımlar edib və növbəti illərdə günəş panellərindən alınan enerji ən çox bu ölkədə olacaq. Lakin, neft sənayesi Ərəbistanın ən əsas gəlir mənbəyi olmağa davam edir. Ərəbistan krallığının Energetika Nazirliyindən olan nümayəndə heyətinin də iştirak etdiyi bi tədbir də Azərbaycanın son illər də Yaşıl Enerji sahəsində attığı addımlar vurğulanıb. Bütün bunlara rəğmən Səudiyyə nümayəndəliyi neft texnologiyaları sənayesində Azərbaycanla yeni əməkdaşlığa başlamaqda maraqlı olduqlarını ifadə ediblər”.
Ekspert qeyd edib ki, energetika sahəsində rəqabətdə olan dövlətlər alternativ enerjinin innovativliyindən tez bir zamanda iştirak etmək yarışına giriblər:
“Məhz yeni bir texnologiya yaradılanda dövlətlər bunu gəlir mənbəyinə çevirmək üçün tələsirlər. Azərbaycan üçün isə bu hər tərəfdən müsbət haldır. Çünki, ölkə həm alternativ enerji, həm də ənənəvi enerji resursları ilə zəngindir. Tədbirdə qeyd olundu ki, Azərbaycan Səudiyyə Ərəbistanı ilə neft, qaz, qida məhsulları və eləcə də səhiyyə sahələrində yeni əməkdaşlıq sferasına keçid etməyə hazırdır”.
Fərid
