“Türkiyə-Azərbaycan arasındakı təxmini 7.5 milyard dollarlıq ticarət dövriyyəsi yüksək olsa da, bu rəqəm daha çox ola bilər. Zəngəzur dəhlizinin açılmasından sonra ticarət dövriyyəsinin 15 milyard dollara qədər artması gözlənilir”.
Bu fikirləri türkiyəli iqtisadi ekspert Kərəm Karabulut səsləndirib. O, bu barədə Ednews-a açıqlaması zamanı deyib. Onun sözlərinə görə, yaxın gələcəkdə iki ölkə bir-birinin ən böyük iqtisadi tərəfdaşı olacaq.
“Ortaq şəkildə yaradılacaq universitetdə aparılacaq texnoloji araşdırmalar və eləcə də bu texnologiyaların potentləşdirilməsi rəqəmləri daha da artıra bilər.
Zəngəzur dəhlizinin açılması Qarabağın inşasını sürətləndirəcək və Türkiyənin dünyadakı iqtisadi mövqeyini möhkəmləndirəcək. Bu baxımdan rəsmi Ankara, dəhlizin fəaliyyətə başlamasında olduqca maraqlıdır. Bu layihə ilə hər iki ölkə dəfələrlə çox miqdarda qazanc əldə edəcək”.
Ekspert Zəngəzur dəhlizinin açılması ilə, Türkiyə ilə Azərbaycan arasında spesifik olaraq hansı layihələrin yaradıla biləcəyini vurğulayıb.
“Zəngəzur dəhlizindən sonra isə ilk planlaşdırılan layihə Naxçıvanla Türkiyə arasında aqrar sənaye dəhlizi yaratmaqdır. Bu dəhliz hazırda mövcud olsa, ondan kənd təsərrüfatı məhsullarının istehsalında ixtisaslaşdırmaq lazımdır. Beləcə, buradan xarici dövlətlərə aqrar məhsullar ixrac ediləcək.
Başqa bir potensial isə, Ağrı dağı ilə Qarabağı birləşdirən turizm xətti yaratmaqdır. Bu layihə ilə hər iki ölkənin, eləcə də digər ölkələrdən gələn turistlərin marağı bura cəlb edilə bilər. Bu layihə ilə ölkələr arasında sosial-iqtisadi əlaqələr güclənəcək və əlavə gəlir sahəsi meydana gələcək.
Azərbaycanla Türkiyə regionda Avropa İttifaqı kimi “Qafqaz Ticarət Birliyi” və ya “İpək Yolu” təşkilatların yarada bilsələr, çox ciddi dərəcədə qazanclar əldə edəcəklər”.
Fərid