İşğaldan azad olunan ərazilərimizin “yaşıl enerji” zonasına çevrilməsi hədəflənib və bu istiqamətdə konkret addımlar atılır. Bildiyimiz kimi, “yaşıl enerji” zonası ifadəsi təkcə bərpaolunan enerji mənbələrindən enerji istehsal edən yerlər barədə işlədilmir. Bu ifadənin əhatə dairəsi genişdir və özündə ekoloji təmiz nəqliyyat vasitələrinin təşviqi, “yaşıl” məşğulluğun təmini, resurslardan səmərəli istifadə kimi çoxşaxəli məsələləri birləşdirir. 

“Yaşıl enerji” Azərbaycan iqtisadiyatına necə təsir göstərə bilər? Müasir dövrdə yaşıl enerji prespektivi özünü nə dərəcədə doğruldacaq?   

Mövzu ilə bağlı Ednews-a açıqlamasında professor, Ekologiya kafedrasının müdiri Fəqan Əliyev bildirdi ki, “yaşıl enerji” günümüzün dünyada bir nömrəli problemidir: 

“Ölkəmizin “yaşıl enerji” ilə  məşğul olması dövlətçiliyimizə böyük bir imicdir. Hazırda dünya iqtisadiyyatı  enerji krizi yaşayır. Dünyadakı müəyyən problemlər enerjinin üstündədir. Azərbaycanda “yaşıl enerji” üçün bütün şərait var. Azərbaycanın coğrafi cəhətdən yaxşı mövqedə yerləşməsi “yaşıl enerji” iqtisadiyatını artırır”.

Ekspert “yaşıl enerji”nin ənənəvi enerjini əvəz edəcəyi ilə bağlı fikirlərində qeyd edib ki, təbiətdə 200 il bundan öncə neft vardı. 

“200 il bundan əvvəl əhali necə yaşayırdı? Təbii ki, “yaşıl enerji” ilə. Buna görə də Azərbaycanın gələcəkdə “yaşıl enerji” ənənəvi enerjini qısa müddətdə əvəz edəcəyi düşünülür. “Yaşıl enerji” ixracatı Azərbaycanın enerji strategiyasında yeni eranın başlanğıcı olacaq və bunun yaxın zamanda baş tutması mümkündür”.

Nicat