Azərbaycanda “Enerji Effektivliyi Fondu”nun yaradılması haqqında qanun qəbul edilib. Bu fond enerji resurslarına qənaət olunması funksiyası daşıyacaq.
Qanuna əsasən energetika sahəsində hansı dəyişikliklər ola bilər?
Mövzu ilə bağlı Ednews-a açıqlama verən iqtisadçı-ekspert Emin Qəribli bildirib ki, bu layihə Azərbaycana “Yaşıl Keçid” planına təkan verəcək.
“Bu fondun yaradılması əslində çox vacib bir qanundur. Bildiyimiz kimi, neft ehtiyatlarının tükənmə riski böyükdür və buna görə də “qaz erası” başlayır. Həm də bir tərəfdən “Yaşıl Keçid” sürətli şəkildə davam edir. Ona görə də, biz hazırda bu sahələrdə ixtisaslaşmağa çalışırıq. Fondun əsas yaradılma məqsədi enerjinin səmərəli sitifadəsi və onun ixrac potensialını artırmaqdır. Bu planları reallaşdırmaq üçün yen sistemlər, avadanlıqlar, idarəetmə sistemlərinə ehtiyac var”.
Ekspert enerji mənbələrinin daha effektiv bölüşdürülməsi üçün əlavə fondun yaradıldığını vurğulayıb:
“Bu proseslərin idarə olunması üçün külli miqdarda maddiyyat tələb olunur. Energetika Nazirliyinin ayırdığı malliyyə lazımi dəyişiklərin həyata keçirilməsi üçün kifayət edir. Lakin, nəzərə almaq lazımdır ki, SOCAR və digər neft şirkətləri əsasən qazanc prinsipi üzərindən işləyirlər. Lazımi resursların idarə olunması və daha effektiv ixrac prosesinə nail olmaq üçün belə bir qanuna ehtiyac var idi. Yaradılan fond neft ehtiyatlarının daha dəqiq bölüşdürülməsi üçün əsaslı dəyişikliklərə kömək edəcək”.
Fərid Axund
