Azərbaycanda Qadın Sahibkarlığının İnkişafı Assosiasiyasının (AQSİA) təşkilatçılığı, Kiçik və Orta Biznesin İnkişafı Agentliyinin (KOBİA) dəstəyi ilə “Yaşıl dünya naminə qadın həmrəyliyi və innovativ gələcək” adlı tədbir keçirilib.
Ednews xəbər verir ki, tədbirdə əvvəlcə Azərbaycanın Dövlət Himni səsləndirilib və ölkəmizin ərazi bütövlüyü uğrunda canlarını qurban vermiş şəhidlərimizin xatirəsi bir dəqiqəlik sükutla yad edilib.
Tədbirdə Azərbaycanda Qadın Sahibkarlığının İnkişafı Assosiasiyasının İdarə Heyətinin sədri Səkinə Babayeva Milli Məclisin Ailə, Qadın və Uşaq Problemləri üzrə Dövlət Komitəsinin sədri xanım Hicran Hüseynova, KOBİA-nın İdarə Heyətinin sədri Orxan Məmmədov, Azərbaycan Respublikası Sahibkarlar Təşkilatları Milli Konfederasiyasının (ASK) prezidenti Məmməd Musayev, Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov, Qarabağ Dirçəliş Fondunun İdarə Heyətinin sədri cənab Rəhman Hacıyev, Çex-Moraviya İş Qadınları və Menecerlər Assosiasiyasının prezidenti, Femmes Chefs D'Entreprises Mondiales-in vitse-prezidenti xanım Katerina Haring iştirak edib.
Tədbirdə giriş nitqi ilə çıxış edən Azərbaycanda Qadın Sahibkarlığının İnkişafı Assosiasiyasının İdarə Heyətinin sədri Səkinə Babayeva Azərbaycan qadınları ölkənin sosial-iqtisadi həyatında fəal iştirak etdiyini və onların məşğul əhalinin ümumi sayındakı xüsusi çəkisi 48,2% təşkil etdiyini qeyd edib.
Qadınların Yaşıl iqtisadiyyatda iştirakının artması qadın və onun ailəsi üçün daha yaxşı həyat standartlarına, biznesdə və milli iqtisadiyyatda artıma gətirib çıxardığını, Qadınların iqtisadi gücləndirilməsi, maliyyə və bilik də daxil olmaqla resurslara bərabər çıxış imkanı, onlara nəzarət, eləcə də kişilərlə bərabər layiqli iş və məhsuldar məşğulluğa çıxış imkanı yaratdığını bildirib.
S.Babayeva vurğulayıb ki, COP29-un bu il ölkəmizdə təşkil olunması və qadın sahibkarların bu istiqamətdə fəal təşəbbüskarlıq göstərmək istəkləri ilə bağlı assosiasiyaya çoxlu müraciətlər olunur. Bu müraciətlərə əsasən assosiasiya 2024-cü il üçün qadın sahibkarlığın yaşıl iqtisadiyyata təsirini artırmaqla bağlı yeni fəaliyyət planı hazırlayıb. Eyni zamanda işğaldan azad olunmuş ərazilərdə infrastruktur işləri tamamlandıqdan sonra qadın sahibkarların investor olaraq təkliflər planı da ən qısa zamanda lazımi dövlət qurumlarına ünvanlandırılacaq.Bundan əlavə olaraq sağlam qida və əl işləri bağlı 7-9 mart tarixlərində İçərişəhərin Qoşa Qala qapıları tərəfdə 200 nəfər sərgiçinin iştirak edəcəyi satış sərgisi təşkil olunacaq.
KOBİA-nın İdarə Heyətinin sədri Orxan Məmmədov iqtisadiyyatda və məşğulluqda qadın sahibkarların rolu, eləcə də, agentliyin biznes subyektlərinə göstərdiyi dəstək və xidmətlər barədə danışıb.
Milli Məclisin Ailə, qadın və uşaq məsələləri komitəsinin sədri Hicran Hüseynova, Azərbaycan Respublikası Sahibkarlar (İşəgötürənlər) Təşkilatları Milli Konfederasiyasının prezidenti Məmməd Musayev və digər qonaqlar çıxış edərək qadınların iqtisadiyyatda inkişafı haqqında çıxış ediblər.
Daha sonra tədbir “Qadın sahibkarlığında innovativ gələcək” və “Beynəlxalq arenada qadın liderlərin təcrübəsi” adlı iki panel və konsert proqramı təşkil olunub.
Oğuz
