567 min Bitcoin dövlətlər tərəfindən idarə olunur.

Ednews xəbər verir ki, ABŞ 213 min Bitcoin ilə kriptovalyutalara ən çox maraq göstərən dövlət olaraq qeyd edilib.

Aparıcı kriptovalyuta olan Bitcoin maliyyə dünyasının mərkəzində qərarlaşarkən, dövlətlər də 34,6 milyard dollar dəyərində 567 min 316 bitkoinə nəzarət edir. Bitcoin baxımından ən zəngin ölkə ABŞ olub. 2009-cu ildən bəri mövcud olan Bitcoin-ə maraq gündən-günə artmağa davam etsə də, dünya üzrə təxminən 50 milyon insanın bazar dəyəri baxımından ən böyük kriptovalyutaya sərmayə qoyduğu təxmin edilir. Bununla belə, Bitcoin-ə maraq təkcə şəxslərlə məhdudlaşmır, şirkətlər və dövlətlər də 1,2 trilyon dollara çatan kriptovalyutaya əhəmiyyətli investisiyalar qoyurlar. Bitcoin Treasuries məlumatlarına görə, dövlət şirkətləri 18 milyard 777 milyon dollar dəyərində, əyalətlər isə 34 milyard 683 milyon dollar dəyərində Bitcoin-ə sahibdirlər.

213 min 246 Bitcoin ilə ABŞ ümumi təklifin yüzdə 1-nə nəzarət edərək birinci yerdədir. ABŞ-ın əlində olan sikkələrin dəyəri 13 milyard 53 milyon dollar səviyyəsindədir. ABŞ-dan sonra isə 11 milyard 630 min dollara uyğun gələn 190 min bitkoini olan Çin gəlir. Üçüncü yerdə İngiltərə 61 min, Almaniya dördüncü yerdə isə 50 min bitkoinə sahibdir. İngiltərənin nəzarətində olan sikkələrin bazar dəyəri 3 milyard 734 milyon dollar, Almaniyanın nəzarətində olan sikkələrin bazar dəyəri isə 3 milyard 61 milyon dollara bərabərdir. Ukrayna ölkələr siyahısında beşinci yeri tutarkən, 2021-ci ildə Bitcoin-i qanuni valyuta kimi qəbul edərək diqqət çəkən El Salvador 349 milyon dollar dəyərində 5 min 702 bitkoinlə altıncı yerdədir.

Xəyal Ramiz