“Azərbaycanda minimum əməkhaqqının hətta saathesabı  verilməsi bağlı planlar var və bu barədə yeni tapşırıqlar verilib: maaşın artırılması ilə bağlı planlaşdırılır. Azərbaycanda minimum əməkhaqqı kifayət qədər azdır - Azərbaycanın potensialına uyğun deyil”.

Bu fikirləri Ednews-a açıqlaması zamanı bildirən iqtisadi ekspert Natiq Cəfərli, minimum əməkhaqqının Azərbaycanın potensialına uyğun olmadığını vurğulayıb:

“Amma, bunun yeni qaydalara keçirilməsi və saathesabı hesablanması baş tutacaqsa burada, artıq tamam başqa mexanizmlər işə düşməlidir. Hazırda minimum əməkhaqqı aylıq hesablanır və əgər bu saatlıq sistemə keçilsə hansı tariflər müəyyənləşdiriləcək, sosial müdafiə fonduna ödənişlər hansı formada həyata keçiriləcək. Bütün bu suallar hələ ki, açıqdır. 

Onsuz da, Azərbaycanda minimum əməkhaqqının artırılmasının başqa fəsadları da olurdu. 700-800 minə yaxın vöenlə çalışanların Sosial Müdafiə Fonduna ödədikləri vergi də avtomatik olaraq qanunverciliyə görə minimum əməkhaqqına bağlıdır. 

Yəqin ki, bu da aradan qaldırılmalıdır ki, özəl sektora dəstək vermək mümkün olsun. Yəni, istənilən halda minimum əməkhaqqının artırılacaq, ancaq bu məbləğin hansı səviyyədə artırılması, hansı mexanizmlərin yaradılmasından asılı olacaq. 

Əgər saathesabına keçiriləcəksə, indiki əməkhaqqını saathesabına bölsək təqribən 1 manat 80 qəpiyə yaxın məbləğ ortaya çıxır ki, bu da çox aşağıdır. Bundan başqa, inkişaf etməkdə olan bir ölkələrdə bu məbləğ ən azı 2 dollardan başlayır ki, bu da 3 manat 40 qəpikdir. Yəni, indiki əməkhaqqının iki qatıdır. Ona görə də hansı mexanizmlərin tətbiq olunmasını hökümət öz təklifini bildirdikdən sonra biləcəyik”. 

Fərid