Aprel ayının 25-nə qədər 50 kiloqramlıq unun qiyməti 25 manat 5 qəpik təşkil edib. Ötən ayın sonlarından isə bu qiymət 27 manat 35 qəpiyə qədər artırılıb. Belə olan halda çörəyin qiyməti artırılacaqmı? Qiymət artımında əsas səbəblər nədir?
Mövzu ilə bağlı Ednews-a danışan iqtisadi ekspert Eyyub Kərimli çörəyin qiymətinin cüzi bahalaşmasının müxtəlif səbəblərini önə sürdü:
“Biz ötən ilin sonlarında, hətta ortalarında ucuzlaşma baş verdiyini və bunun beləcə çörəyin kiloqramında 5 qəpik ucuzlaşma yaratdığını nəzərə almalıyıq. Sözsüz ki, unun qiymətinin artması da bu bahalaşmaya təsir edir. bəzən mövsümi amillərlə bağlı və digər tərəfdən Rusiyada hazırda buğda idxalında müəyyən məhdudiyyətlərin olması cüzi də olsa çörəyin qiymətinin artmasına səbəb olub.
Lakin, hazırda müşahidə etdiyimiz təcrübə onu göstərir ki, çörəyin qiyməti unun qiymətindən birbaşa asılıdır və sahibkarlar tərəfindən tərəfindən müstəqil təyin edilir. Bu cür qiymət qalxımları gərə epizodik hal olmasa hesab edirəm ki, bu, çörəyin qiymətinin qalxmasına müəyyən təsirlər göstərə bilər. Bəzən deyirlər ki, bu artımlar qısa müddətli olur. Bu həm də logistikada və təchizatda ləngimələrlə bağlıdır. Qeyd etdiyim kimi bu vəziyyət qısamüddətli bir hal olduğu üçün elə bir ciddi təsirləri olamayacaqdır.”
Fərid
