Azərbaycanda əczaçılıq məhsulları və tibbi ləvazimat xərcləri 9 % artıb
Azərbaycanda əczaçılıq məhsulları və tibbi ləvazimat xərcləri 9 % artıb
"EDnews" xəbər verir ki , bu ilin yanvar-mart aylarında Azərbaycanda pərakəndə ticarət şəbəkəsində istehlakçılara 342,5 min manatlıq əczaçılıq məhsulları və tibbi ləvazimatları satılıb.
Bu, ötən ilin ilk rübü ilə müqayisədə 9,1 % çoxdur.
Ötən 3 ay ərzində alıcıların son istehlak məqsədilə aldıqları mallara xərclədiyi vəsaitin 2,3 %-i əczaçılıq məhsulları və tibbi ləvazimatlarının alınmasına sərf olunub.
Xatırladaq ki, bu ilin yanvar-mart aylarında Azərbaycanda pərakəndə ticarət şəbəkəsində istehlakçılara 14,6 milyard manatlıq, o cümlədən 8,1 milyard manatlıq ərzaq məhsulları, içkilər və tütün məmulatları, 6,5 milyard manatlıq qeyri-ərzaq malları satılıb. 2024-cü ilin yanvar-mart ayları ilə müqayisədə pərakəndə ticarət dövriyyəsi real ifadədə 3,8 %, o cümlədən ərzaq məhsulları, içkilər və tütün məmulatları üzrə 1,7 %, qeyri-ərzaq malları üzrə 6,3 % artıb.
Fatimə Mərdanlı // EDnews
