Son zamanlar uşaq evlərində yaşayan kimsəsiz azyaşlılar arasında qoturluq xəstəliyinin yayılması barədə iddialar səsləndirilir.
Ednews xəbər verir ki, bu barədə məlumatlar sosial şəbəkələrdə yayılıb. İzləyicilər iddia edirlər ki, bu uşaqlar müalicə almaq üçün A.F.Qarayev adına 2 saylı uşaq klinikasına gətirilirlər. Məsələnin ictimaiyyət arasında böyük müzakirə
Baxmayaraq ki, uşaq müəssisələrindən yoluxucu olan qotur xəstəlikləri səbəbi ilə üz tuturlar. Amma azyaşlılıar nəzarətsiz qalırlar. Tibb işçilərinin belə yarıtmaz fəaliyyətinin olmasından gileylənən jurnalist həmçinin uşaq müəssisələrində yayılan yoluxucu xəstəlikləri uşaqların təmizliyinə riayət olunmaması ilə əlaqələndirir.
Məsələ ilə bağlı Azərbaycan Uşaqlar birliyinin sədri Kəmalə Ağazadə Ednews-a açıqlamasında bildirib ki, dövlət uşaq müəssisələrinə uşaq təhvil veriləndə tibbi arayışı da verilir. Amma Qeyri-Hökümət Təşkilatı kimi biz də tibbi yoxlamanı tələ edirik.
“Amma bəzi ekstrim zamanlar olur ki, gecə vaxtı heç kim o arayışı vermir, uşaq da polis idarəsində qalmalı olur. Bu zaman nə edə bilərik. Bildiyim elə uşaq müəssisələri var onlar yoxlamadan uşaqları qəbul edirlər. Çalışmalıyıq ki, belə hallar olmasın. Hamı bir nəfər kimi öz məsuliyyətini anlasın. Bizim narahatlığımız ondadır ki, əgər ev şəraitindən xəstəxanaya gətirilirsə o evin Sanitar Epidemiologiya Mərkəzi tərəfindən dezinfeksiya edilsin. O ailə nəzarətə götürülsün. Əgər bu uşaq evindən gəlirsə yenə həmin qaydada dezinfeksiya işləri həmin uşaq evlərində də həyata keçirilməlidir. İlk olaraq araşdırmaq lazımdır ki, hansı müəssisədir? Əgər uşaq evlərindən gəlirsə həmin uşaq evində hər bir uşaq araşdırılmalı yenidən yoxlama keçirilməlidir. Çünki bu yoluxucu bir xəstəlikdir. Bu xəstəliyin həm də çox rahat müalicəsi var. Sadəcə cəmiyyət olaraq içimizdə qəribə bir xof var. Bir dəfə bizim sığınacağa da uşaq yoxlanılmadan gətirilmişdir. Biz həkim çağıranda uşağın yoluxduğunu bildirmişdi. Dərhal uşağı xəstəxanaya yerləşdirdik. Amma, bu o demək deyil ki, müəssisədə hər bir uşaq xəstəliyə yoluxub. Bununla yanaşı biz həmin stansiyanı da məlumatlandırdıq. Onlar da dezinfeksiya işlərini apardılar.Bunun üçün gərək hamı məsuliyyətli olsun. Şikayətlərdən biri də həmin tibb müəssisələri işçilərinin davranışı idi. Biz bunun dəfələrlə şahidi olmuşuq. Bu yaxınlarda sığınacaqda uşaqlardan biri xəstələnmişdi. Həkimə əməkdaşımızla birlikdə getmişdilər. Biz bilirik ki, əgər əməkdaşımız orada olmasaydı həmin uşaqla heç kəs maraqlanmayacaqdı. Halbuki o xəstəxanalarda uşaqlar tək yerləşdirilməli və ciddi nəzarət olmalıdır. Əgər uşaq evindən gəlirsə bu deməkdir ki nəzarətsiz qala bilər? Təəssüf ki, biz hər dəfə uşaqlara nəzarətçi kimi şəxs göndərə bilmirik. Bizim o imkanlarımız olmadığına görə əziyyət çəkirik. Buna görə də çox vaxt uşaqların müalicəsini sığıncaq şəraitində keçirməli oluruq. Bu mənim heç istəmədiyim bir şeydir. O uşaqları tək göndərəndə də çox narahat oluruq. Bəlkə bunu nəzərə alıb uşaq müəssisələrində dayə ştatları formalaşdırılsalar yaxşı olar. Çünki xəstəliyə yoluxan uşaqlar həmişə olub, olacaq da.”
Milli Məclisin Ailə, Qadın və Uşaq məsələləri komitəsinin sədr müavini Jalə Əliyeva isə bildirib ki, bununla bağlı konkret cavab verə bilməyəcəm.
“Uşaq evlərində yaş həddi var. Məktəbəqədər olan yaş təbəqəsinə Səhiyyə Nazirliyi, məktəbdən sonrakı yaş təbəqəsinə isə Təhsil Nazirliyi cavabdehdir. Uşaq evlərində isə olan tərbiyəçinin özünün də psixoloji vəziyyəti sağlıq durumu yoxlanılmalıdır. Bu kimi hadisələrdə hansısa bir boşluq yaranıbsa bu dövlətin nəzarəti ilə aradan qaldırılacaq”.
Ayan