Spirtli içkilər, hətta məhdud miqdarda da olsa, dölün beyin quruluşunu dəyişi.
Ednews xəbər verir ki, bu həqiqət Avropalı və ABŞ həkimlərinin araşdırması zamanı ortaya çıxıb.
Mütəxəssislər müəyyən ediblər ki, hamiləlik dövründə məhdud miqdarda qəbul edilən spirtli içki belə körpənin inkişaf etməkdə olan beynində anormallıqlara gətirib çıxarır.
Belə ki, hamiləlik dövründə spirtli içkilərin istifadəsi, döldə spirt sindromunun inkişafına səbəb olur. Bu uşağın ana bətnində inkişafı zamanı baş verən və onun sonrakı həyatına mənfi təsir göstərəcək bir xəstəlikdir. Avropa alimlərinin hesablamalarına görə, bu cür əksər problemlər inkişaf etmiş ölkələrdə yeni doğulanların 1-5%-də aşkarlanır.
Tədqiqatçılar məhdud miqdarda qəbul edilən alkoqolun doğmamış uşağın və onun beyninin inkişafına necə təsir etdiyini öyrənmək qərarına gəliblər. Bunun üçün onlar hamilə qadınların və onların körpələrinin sağlamlığını təhlil ediblər. Tədqiqat qrupu həmin qadınların hamiləlik dövründə içdikləri spirt miqdarını da nəzərə alıblar.
Alimlər hamiləliyin erkən və gec dövrlərində dölün alkoqolla təmasda olmasının 24 halını müəyyən edə biliblər. Həkimlər MRT görüntülərini təhlil edərək, müəyyən ediblər ki, hətta kiçik və orta miqdarda qəbul edilən spirtli içki belə, uşağın beyninin strukturuna təsir etmiş olur. Alimlər bir neçə hamilə qadının üzərində tədqiqat apararkən, həftədə bir dəfə qəbul edilən az miqdarda olan spirtli içkinin dölün beynində olan temporal lob və yuxarı temporal sulkusun strukturunda anormallıqlar qeydə alınıb.
Araşdırmalargöstərib ki, alkoqol qəbulu uşaqlarda beyin inkişafının ümumi ləngiməsi əmələ gətirib. Həmçinin sinirləri örtən və sinir hüceyrələri arasında siqnal ötürülməsində və sinir uclarının zədələnmədən qorunmasında böyük rol oynayan mielin qabığının formalaşmasını ləngidir. Bundan əlavə, spirt beyin qıvrımlarının meydana gəlməsini yavaşladaraq, beynin ümumi strukturunu dəyişir.
Rəna Mürşüd