“Statiskaya, əsasən, dünyada doğulan hər 5 körpədən 3-ü ilk bir saatda qidalanmır”.

Ednews xəbər verir ki, bunu pediatr Azər Əhmədov deyib.

Onun sözlərinə görə, körpə dünyaya gələn kimi ilk bir saat çox önəmlidir.

“İlk bir saatda körpənin qidalanma prossesi mütləqdir. Ana südü ilə qidalanmalıdır. Biz buna təkcə qida kimi yox ana ilə körpə arasında təmas, bağ kimi də baxmalıyıq. Körpə ilə ananın təması olduqca önəmlidir. Statiskaya, əsasən, dünyada doğulan hər 5 körpədən 3-ü ilk bir saatda qidalanmır. Körpəni soyuqdan qorumaq isə ikinci vacib məsələdir. Çünki körpə 9 ay bədən tempuratında yəni 36 dərəcədə yaşayıb. Lakin doğuldan sonra otaq tempuratına yəni 23-25 dərəcədə qalır. Bu fərqə düşən körpədə stress çox yaranır. Mütləq şəkildə körpə evə qayıtdıqdan sonra 48 saat içində yenidən pediatra göstərilməlidir. İlk uşağı olan analarda daha çox təcrübəsiz olur”. 

Pediatrın sözlərinə görə, yeni doğulan körpə mütləq şəkildə ilk 48 saat, 15-ci və 41-ci gündə həkim tərəfindən müayinə olunmalıdır.

“Uşağı əmizdirmək, uşağın sidiyə çıxmasına  48 saatdan sonrakı nəzarəti həkimin etməsi daha məqsədə uyğundur. Mütləq şəkildə pediatr körpəni yoxlayarkən tam soyundurmalıdır. Hər 100 uşaqdan 1 və ya 2-də hər hansı şikayət olmadan belə hansısa patalogiyanı aşkarlayıb erkən diaqnoz qoya bilirik. Bu da uşaqda hansısa ciddi xəstəliyin və ya əlilliyin qarşısını alır. Doğulduqdan sonra 2-ci müayinə 15-ci günündə də mütləq şəkildə körpə pediatrda olmalıdır.  3-cü mayinə isə 41-ci günündə olmalıdır. Daha sonra 6 ayına qədər ayda bir dəfə həkim müayinəsinə getməlidir”.

Aysel Şahmar