Hər il milyardlarla dollar dəyərində sənət əsərləri beynəlxalq hərrac evlərindən keçir, aparıcı muzeylərin hər birinin kolleksiyalarında on minlərlə, hətta yüz minlərlə sənət əsəri nümayiş etdirilir. Ancaq çox azı həqiqi şöhrətə nail olur.
“CNN Style” son beş il ərzində hansı rəsmlərin dünya üzrə axtarış nəticələrində üst sıralara çıxdığını öyrənmək üçün araşdırma aparıb.
Ednews həmin rəsm əsərlərinin siyahısını təqdim edir:
1. "Mona Liza"
Təəccüblü deyil ki, dünyanın ən məşhur rəsm əsəri sirli təbəssümü olan o qadındır.
Rəsmdəki qadının florensiyalı tacir Françesko del Cakondonun həyat yoldaşı Liza Gerardini olduğu güman edilir, lakin ekspertlər bundan əmin deyillər. Əsər sənətdə bir yeniliyi təmsil edir – Luvrun məlumatına görə, bu rəsm bir portretdə oturan şəxsə bu qədər yaxından diqqət yetirən ən erkən tanınmış İtalyan portretidir.
Əsər 1503-1519 illər arasında italyan renessans rəssamı Leonardo da Vinçi tərəfindən çəkilib. Hazırda Parisdəki Luvr Muzeyində saxlanılır.
<img alt="Visitors take photos of " the="" last="" supper"="" ("il="" cenacolo="" or="" l'ultima="" cena")="" at="" convent="" of="" santa="" maria="" delle="" grazie="" in="" milan,="" italy."="" data-cke-saved-src="https://dynaimage.cdn.cnn.com/cnn/q_auto,w_727,c_fit/http%3A%2F%2Fcdn.cnn.com%2Fcnnnext%2Fdam%2Fassets%2F191029114347-02-most-famous-paintings-last-supper.jpg" src="https://dynaimage.cdn.cnn.com/cnn/q_auto,w_727,c_fit/http%3A%2F%2Fcdn.cnn.com%2Fcnnnext%2Fdam%2Fassets%2F191029114347-02-most-famous-paintings-last-supper.jpg" style="height: 336px; width: 500px;">
2. "Sonuncu şam yeməyi"
Əsl "Renessans Adamı" olan Leonardo bu siyahıda iki dəfə yer alan yeganə rəssamdır. Leonardo da Vinçinin 1495-1498 illərdə çəkdiyi əsər İtaliyanın Milan şəhərində yerləşən Santa Mariya della Qrasiya kilsəsində yerləşir.
Dini təsvirlərin bədii mövzu olaraq hələ də üstünlük təşkil etdiyi bir dövrdə çəkilmiş "Sonuncu şam yeməyi" İsanın çarmıxa çəkilməzdən əvvəl həvariləri ilə sonuncu dəfə çörək kəsməsini təsvir edir.
Rəsm əslində nəhəng bir freskadır -- hündürlüyü 4,6, eni isə 8,8 metr olan əsər yaddaqalan görüntü yaradır.
3. "Ulduzlu Gecə"
1889-cu holland rəssam Vinsent van Qoq tərəfindən çəkilən rəsm Nyu Yorkun Müasir İncəsənət Muzeyində sərgilənir.
Van Qoq "Ulduzlu gecə" əsərini çəkərkən Fransanın Sen-Remi şəhərindəki sığınacaqda ruhi xəstəlikdən müalicə alırdı. O, otağının pəncərəsindən gördüyü mənzərədən ilhamlanmışdı. Rəsmin mükəmməl mavi və sarı rəngləri və xəyalpərəst, fırlanan atmosferi onilliklər ərzində sənətsevərlərin marağına səbəb olub.
4. "Qışqırıq"
Britaniya Muzeyinin araşdırmasına görə, “Qışqırıq” tək bir sənət əsəri deyil. O, iki rəsm, iki pastel və qeyri-müəyyən sayda çapdan ibarətdir. Rəsmlər Milli Muzeydə və Munk Muzeyində saxlanılır və 2012-ci ildə pastellərdən biri hərracda təxminən 120 milyon dollara satılıb. “Qışqırıq” norveçli rəssam Edvark Munk tərəfindən 1893-cü ildə çəkilib.
5. "Gernika"
1937-ci ildə ispan rəssam Pablo Pikasso tərəfindən çəkilən əsər İspaniya vətəndaş müharibəsi zamanı Almaniyanın Basklar ölkəsi regionundaki Gernika şəhərinin havadan bombalamasını təsvir edir.
Rəsm əsl Pikasso üslubuna malikdir və müharibənin dəhşətlərini təsviri onu 20-ci əsr mədəniyyətinin və tarixinin vacib hissəsinə çevirib. Əsər Madriddə Kraliça Sofiya Milli Muzeyində saxlanılır.
6. "Öpüş"
Bu sənət əsəri 1907-1908-ci illərdə avstriyalı simvolist rəssam Qustav Klimt tərəfindən çəkilib. Vyanadaki Belveder muzeyində sərgilənir.
Klimtin "Qızıl Dövr" əsərindən Bizans bədii təsirləri ehtiraslı cütlüyün geydiyi yüksək dekorativ paltarlarda görünür.
Muzeyin bildirdiyinə görə, "Öpüş"də Klimt "insan varlığının mərkəzində məhəbbət olması haqqında ümumi alleqorik bəyanat" verir.
7. "Mirvari sırğalı qız"
Holland rəssamı Yan Vermeerin 1665-ci ildə çəkdiyi ən məşhur əsəridir. Tablo hal-hazırda Hollandiyadaki “Mauritshuis” rəsm qalereyasında saxlanılır.
Bu maraqlı favorit tez-tez "Mona Liza" ilə müqayisə edilir. Stilistik fərqlərə əlavə olaraq, "Mirvari Sırğalı Qız" əslində heç portret deyil, "tronie" (holland dilində şişirdilmiş xüsusiyyətləri olan xəyali fiqurun rəsmi deməkdir) sayılır.
Kətan üzərində yağlı boya öz sadəliyi ilə parıldayır. Rəsmdə qız göy və qızılı çalma və böyük ölçülü mirvari sırğa taxıb və o arxasındaki qaranlıq fonda diqqət mərkəzindədir.
8. “Veneranın doğulması”
Əsərə florensiyalı boyakar Sandro Bottiçelli təxminən 1485-ci ildə can verib. Rəsm İtaliyanın Florensiya şəhərindəki Uffitsi qalereyasında saxlanılır.
"Veneranın doğulması" çox güman ki, əsrlər boyu Florensiya və yaxın ərazilərə hökmranlıq edən varlı və sənəti sevən Medici ailəsinin üzvü tərəfindən sifariş edilib.
Klassik Yunan mədəniyyəti ilə Erkən İntibah üslubunu birləşdirən Bottiçelli böyük bir tarak qabığından çıxan sevgi ilahəsinin unudulmaz bir fiqurunu yaradıb.
9. “Meninlər”
“Meninlər” 1656-ci ildə İspaniyalı rəssam Dieqo Velazkes tərəfindən çəkilib. Əsər Madriddəki Prado muzeyində saxlanılır.
"Meninlər" təkcə Dieqo Velazkesin ən məşhur tablosu deyil, həm də onun ən böyük rəsmlərindən biridir. Əsərin mürəkkəbliyi əsrlər boyu sənətşünasları və ictimaiyyəti valeh edib.
Rəsm portret kimi ikiqat vəzifə yerinə yetirir. Bu, həm ispan kral ailəsinin qrup portreti, həm də Velazkesin iş başındaki avtoportretidir (solda).
10. "Adəmin yaradılması"
Əsərin müəllifi florensiyalı heykəltəraş və boyakar Mikelancelodur. Əsər 1508-1512-ci illər arasında boyanıb.
Tanınmış rəssam Mikelancelonun bu ən məşhur əsəri Sistin kapellasının tavanının bir hissəsini əhatə edir – ona baxmaq üçün yuxarı boylanmaq lazımdır. Səhnədə Tanrı və Adəm əllərini uzadıb, barmaqları az qala bir-birinə toxunmuş halda təsvir edilib. Bu, tarixdə ən çox təkrarlanan şəkillərdən biridir.
Adəmin əzələ forması Mikelancelonun digər bir əsərinə işarə edir – onun "David" heykəli bəlkə də dünyanın ən məşhur heykəlidir.
Mirvari Əzizova
